- Къыйынлы джети элге оноу этер.
- Татлы сёз – балдан татлы.
- Арбаз къынгырды да, ийнек сауалмайма.
- Элиб деген, элге болушур.
- Чакъырылмагъан джерге барма, чакъырылгъан джерден къалма.
- Ана кёлю – балада, бала кёлю – талада.
- Зарда марда джокъ.
- Башынга джетмегенни сорма.
- Суугъа – таянма, джаугъа – ийнанма.
- Тик ёргени, тик энгишгеси да болады.
- Тойчу джашха къарама, къойчу джашха къара.
- Кийимни бичсенг, кенг бич, тар этген къыйын тюлдю.
- Иги адамны бир сёзю эки болмаз.
- Джырчы джырчыгъа – къарнаш.
- Ишге юренсин къоллары, халкъ бла болсун джоллары.
- Акъыл неден да кючлюдю.
- Байма, деб да, къууанма, джарлыма, деб да, джылама.
- Бал ашаргъа сюе эсенг, чибин ургъаннга тёз.
- Мал кёб болса, джууукъ кёб болур.
- Юреннген ауруу къалмаз.
- Юй ишлеген балта эшикде къалыр.
- Чакъырылмагъан къонакъ – орунсуз.
- Тилде сюек болмаса да, сюек сындырыр.
- Нарт сёз – тилни бети.
- Кюлме джашха – келир башха.
- Таукел тауну аудурур.
- Аурууну келиую тынч, кетиую – къыйын.
- Акъыл къартда, джашда тюйюлдю – башдады.
- Аманнга да, игиге да оноусуз къатышма.
- Къозулугъунда тоймагъан, къойлугъунда тоймаз.
- Тас болгъан бычакъны сабы – алтын.
- Уллу айтханны этмеген – уллаймаз.
- Аджаллыгъа окъсуз шкок атылыр.
- Битмегеннге сакъал – танг.
- Ётюрюкчюню шагъаты – къатында.
- «Ма», - дегенни билмесенг, «бер», - дегенни билмезсе.
- Гугурук къычырмаса да, тангны атары къалмаз.
- Таугъа чыгъаллыкъ эсенг, тюзде къалма.
- Терслик кетер, тюзлюк джетер.
- Джаралыны джастыгъында сау ёлюр.
- Ариу сёз – къылычдан джити.
- Сютден ауузу кюйген, суугъа юфгюре эди.
- Алтыда кюлмеген, алтмышда кюлмез.
- Джаш къарыу бла кючлю, къарт акъыл бла кючлю.
- Ариу – кёзге, акъыл – джюрекге.
- Акъыл бла адеб эгизледиле.
- Ач къарынны, токъ билмез
- Орну джокъну – сыйы джокъ.
- Арба аугъандан сора, джол кёргюзтюучю кёб болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)