- Ач отунчуну ачыуу – бурнунда.
- Чоюнну башы ачыкъ болса, итге уят керекди.
- Ханнга да келеди хариблик.
- Эки ойлашыб, бир сёлешген.
- Ауругъан – джашаудан умутчу.
- Байлыкъ тауусулур, билим тауусулмаз.
- Эл тойса, тоймагъан, эл къойса, къоймагъан.
- Аджашханны ызындагъы кёреди, джангылгъанны джанындагъы биледи.
- Тил джюрекге джол ишлейди.
- Къоркъакъны кёзю экили кёрюр.
- Тёрдеги кюлсе, эшикдеги ышарыр.
- Къатын байлыкъны сюер, эр саулукъну сюер.
- Къыз чыгъаргъан – къызыл къымжа.
- Аман киши кеси юйюнде – къонакъ.
- Намыс сатылыб алынмайды.
- Ушамагъан – джукъмаз.
- Нафысынгы айтханын этме, намысынгы айтханын эт.
- Эте билген, этген этеди, эте билмеген, юретген этеди!
- Мухар, кеси тойса да, кёзю тоймаз.
- Къуллукъчума, деб махтанма, къуллукъ – хаух джамчыды!
- Джети тилни билген джети кишиди.
- Таякъ этден ётер, тил сюекден ётер.
- Хар сёзню орну барды.
- Ётюрюкню башын керти кесер.
- Кюл тюбюндеги от кёрюнмейди.
- Аш кетер да бет къалыр.
- Aдам боллукъ, сыфатындан белгили.
- Ётген ёмюр – акъгъан суу.
- Юйлю уругъа ит чабмаз.
- Ашына кёре табагъы, балына кёре къалагъы.
- Тау башында, тау болмаз, джангыз терек, бау болмаз.
- Къарт болгъан джерде, берекет болур, сабий болгъан джерде, оюн болур.
- Чомарт джарлы болмаз.
- Къыйынлы джети элге оноу этер.
- Айтхан сёзюне табылгъан.
- Окъумагъан сокъурду, сокъур ташха абыныр!
- Башсыз урчукъ тюзюне айланмаз.
- Ишлемеген – тишлемез.
- Эртде тургъан бла эртде юйленнген сокъуранмаз.
- Тёзгеннге, джабылгъан эшик ачылыр.
- Кёрмегеннге кебек – танг, битмегеннге сакъал – танг.
- Аман къатын сабий табса, бий болур…
- Кёзю сокъурдан – къоркъма, кёлю сокъурдан – къоркъ.
- Къонакъ аз олтурур, кёб сынар.
- Чакъырылмагъан къонакъ – орунсуз.
- Борчунг бар эсе, хурджунунга ойлаб узал.
- Билеги кючлю, бирни джыгъар, билими кючлю, мингни джыгъар.
- Адамны адамлыгъы къыйынлыкъда айгъакъланады.
- Эски джаугъа ышанма.
- Уллу сёзде уят джокъ.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)