- Кёб ант этген, кёб ётюрюк айтыр.
- Къонакъ кёб келюучю юйню, къазаны отдан тюшмез.
- Ётюрюк хапар аякъ тюбю бла джюрюйдю.
- Тенгинг джокъ эсе – изле, бар эсе – сакъла!
- Кёпюр салгъан кеси ётер, уру къазгъан кеси кетер.
- Аман къатын сабий табса, бий болур…
- Кёзден кетген, кёлден да кетеди.
- Эски джаугъа ышанма.
- Ёксюзню тилеги къабыл болур.
- Таякъ этден ётер, тил сюекден ётер.
- Тулпарлыкъ, билекден тюл – джюрекден.
- Эшекни не къадар тюйсенг да, ат болмаз.
- Джуртун къоругъан озар.
- Джаз бир кюнню джатсанг, къыш талай кюнню абынырса.
- Джырчы ёлсе, джыры къалыр.
- Aдам боллукъ, сыфатындан белгили.
- Акъыллы эркиши атын махтар, акъылсыз эркиши къатынын махтар.
- Билимден уллу байлыкъ джокъду.
- Элиб деген, элге болушур.
- Суугъа – таянма, джаугъа – ийнанма.
- Бёрю да ач къалмасын, эчки да ашалмасын.
- Бек анасы джыламаз.
- Ариу сёз – къылычдан джити.
- Тай асырагъан, атха минер.
- Аман адам элни бир-бирине джау этер.
- Эте билген, этген этеди, эте билмеген, юретген этеди!
- Эр абынмай, эл танымаз.
- Ауругъанны сау билмез, ач къарынны токъ билмез.
- Накъырданы арты керти болур.
- Кюл тюбюндеги от кёрюнмейди.
- Минг тенг да азды, бир джау да кёбдю.
- Къонагъынгы артмагъын алма да, алгъышын ал.
- Джан саулукъ бермей, сан саулукъ бермезсе.
- Нарт сёз къарт болмаз.
- Ёмюрлюк шохлукъну джел элтмез.
- Айранын берсенг, челегин да къызгъанма.
- Ушамагъан – джукъмаз.
- Тойчу джашха къарама, къойчу джашха къара.
- Къайгъыны сюйген, къайгъы табар.
- Джаханимни кёрмей, джандетге кёл салмазса.
- Ат басханны джер билед.
- Юйлю уругъа ит чабмаз.
- Олтуруб кёрюнмей эди да, ёрге туруб кёрюне эди.
- Юреннген ауруу къалмаз.
- Ашарыкъда сайлагъаннга – чий гырджын.
- Аджашхан тёгерек айланыр.
- Аманнга да, игиге да оноусуз къатышма.
- Адебни адебсизден юрен.
- Абынмазлыкъ аякъ джокъ, джангылмазлыкъ джаякъ джокъ.
- Телиге акъыл салгъандан эсе, ёлгеннге джан салырса.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
![]() |
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)