- Кечеси – аяз, кюню – къыш, джарлы къаргъагъа бир аш тюш!
- Тюзлюк тас болмайды.
- Билим – акъылны чырагъы.
- Юй кюйдю да, кюйюз чыкъды, ортасындан тюйюш чыкъды.
- Махтаннган къыз, тойда джукълар.
- Тынгылагъан тынгы бузар.
- Джуртун къоругъан озар.
- Термилгенинги табмазса, кюлгенинге тюберсе.
- Азыкъ аз болса, эртде орун сал.
- Этек чакъмакълары баш джаргъан, сёлешген сёзлери таш джаргъан.
- Сёлеш деб шай берген, тохта деб, сом берген.
- Сютден ауузу кюйген, суугъа юфгюре эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Татлы тилде – сёз ариу, чемер къолда – иш ариу.
- Джарлы эскисин джамаса, къууаныр.
- Телиге от эт десенг, юйюнге от салыр.
- Акъыллы – эл иеси, тели – эл баласы.
- Эки итни арасына сюек атма, эки адамны арасында сёз чыгъарма.
- Игини сыйлагъан адетди.
- Юйюнг бла джау болгъандан эсе, элинг бла джау бол.
- Сабийни джумушха джибер да, ызындан бар.
- Ойнай билмеген, оюн бузар.
- Окъдан джара эртде-кеч болса да бителир, сёз джара, ёмюрге къалыр.
- Зарда марда джокъ.
- Зар адам ашынгы ашар, кесинги сатар.
- Айырылгъанланы айю ашар, бёлюннгенлени бёрю ашар.
- Юреннген ауруу къалмаз.
- Чалманны аллы къалай башланса, арты да алай барады.
- Къан бла кирген, джан бла чыгъар.
- Хатерли къул болур.
- Кёбге таш атма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къатын байлыкъны сюер, эр саулукъну сюер.
- Ач, тоймам, дейди, тойгъан, ач болмам, дейди.
- Малны кют, джерни тюрт.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хазыр ашха – терен къашыкъ.
- Тойгъанлыкъ къойгъа джарашады.
- Ариу джол аджал келтирмез.
- Дуния малгъа сатылма, кесингден телиге къатылма.
- Кийим тукъум сордурур.
- Джюрек кёзден алгъа кёрюр.
- Туз, гырджын аша, тюзлюк бла джаша.
- Кёб къычыргъандан – къоркъма, тынч олтургъандан – къоркъ.
- Ачлыкъ отха секиртир.
- Кёбден умут этиб, аздан къуру къалма.
- Элге къуллукъ этмеген, элге ие болмаз.
- Аман адамны тепсинге олтуртсанг, къызынгы тилер.
- Къарт болгъан джерде, берекет болур, сабий болгъан джерде, оюн болур.
- Ачыу алгъа келсе, акъыл артха къалады.
Къарачай-малкъар проза!
20.02.2008 23:04:23
Девушка Гор
Къуру ?Къара кюбюрню? окъугъанлада ангыларыкъдыла аны. Барысын да окъугъан мы этгенсиз? |
|
|
|
20.02.2008 23:07:49
пуФистая
Кюрешгенме. Сен да окъусанг иги боллукъ эди. Сюйсенг китабланы берликме. |
|
|
|
20.02.2008 23:10:52
Махмуд
къарачайча ол сез къалай болады? Бизни тилибизде "чыгъарма" дей болурламы? |
|
|
|
20.02.2008 23:17:41
Тюзюн айтыргъа мен къарачай прозада чам, кюлкю, оюн хапарлагъа бек тырмашама! Къарачайны чамына джетген джокъду!
|
|
|
|
20.02.2008 23:21:14
Мен да окъугъанма бу чыгъармаланы. А сиз "Биринчи сюймекликни" окъугъанмысыз? Ол да къарачай литературада биринчи детектив жанрда джазылгъанды. Бек аламат китабды
|
|
|
|
20.02.2008 23:34:36
SOFIKOSHKA
Ол китабынг сенде бар эсес, менге да берсенг а Аны не сёзю барды? Къайры келтирейим ансын? |
|
|
|
20.02.2008 23:34:55
SOFIKOSHKA
Китабны излейим да (къайда болгъанын билмейме , тамбла джазарма Ходжаны юсюнден хапарчыкъла! |
|
|
|
20.02.2008 23:37:23
Махмуд
да блайда къуру Ходжаны хапарыды алайсызда |
|
|
|
20.02.2008 23:37:49
къара
да блайда къуру Ходжаны хапарыды алайсызда былайда дегенинг? |
|
|
|
20.02.2008 23:41:02
Махмуд
Ходжаны бир хапарын айтаим биреу: Ходжа хычынла алыб барадыла!!! Ходжа: а менге андан не??? биреу: да сенге алыб барадыла!?!? Ходжа: а сенге уа андан не??? |
|
|
|
20.02.2008 23:43:16
къара
Энтда джаз! |
|
|
|
20.02.2008 23:46:25
SOFIKOSHKA
Биреу сорады Ходжагъа: о бир дунияда къалайды дейсе игимиди???? Ходжа :игитда игиди???кишини къайтыб кёргенмисе???? аман болса мы турлукмедиле |
|
|
|
20.02.2008 23:46:47
SOFIKOSHKA
Тамблагъа эсиме ким жазгъанын, къысха магъанасын тюшюралсам, айтырма. Аллай ариу, тап чыгъармады! Бек сакълаб турлукъма! Сау бол къошулгъанынга! |
|
|
|
21.02.2008 00:04:28
Акъ_Беленькая
Аперим! |
||||
|
|
|||
Читают тему (гостей: 1)