- Аманнга игилик этсенг, юйюнге сау бармазса.
- Джогъун бар этген, барын бал этген.
- Джахил болса анасы, не билликди баласы?
- Адам туугъан джеринде, ит тойгъан джеринде.
- Айраннга суу къош, телиге джол бош.
- Ариу сёз – къылычдан джити.
- Хар ишни да аллы къыйынды.
- Булут кёкге джарашыу, уят бетге джарашыу.
- Адам сёзге тынгыла, акъыл сёзню ангыла.
- Ким бла джюрюсенг, аны кёзю бла кёрюнюрсе.
- Аман адам элни бир-бирине джау этер.
- Ат басханны джер билед.
- Эрни эр этерик да, къара джер этерик да, тиширыуду.
- Баш болса, бёрк табылыр.
- Чомарт бергенин айтмаз.
- Хантына кёре тузу, юйюне кёре къызы.
- Ауузу аманнга «иги», деме.
- Акъыллы эркиши атын махтар, акъылсыз эркиши къатынын махтар.
- Къарыусузгъа кюлме, онгсузгъа тийме.
- Эм уллу байлыкъ – джан саулукъ.
- Кёзден кетген, кёлден да кетеди.
- Азыкъ аз болса, эртде орун сал.
- Ханы къызы буюгъа-буюгъа киштик болду.
- Байдан умут эте, джарлыдан ёгюз багъасы къорады.
- Игиге айтсанг – билир, аманнга айтсанг – кюлюр.
- Малны кют, джерни тюрт.
- Рысхы – сют юсюнде кёмюк кибикди.
- Нёгер болсанг, тенг бол, тенг болмасанг, кенг бол.
- Кёб ант этген, кёб ётюрюк айтыр.
- Кёпюр салгъан кеси ётер, уру къазгъан кеси кетер.
- Мадар болса, къадар болур.
- Джашда акъыл джокъ, къартда къарыу джокъ.
- Чомарт джарлы болмаз.
- Ариу сёз – джаннга азыкъ, аман сёз – башха къазыкъ.
- Билим – акъылны чырагъы.
- Чабакъсыз кёлге къармакъ салгъанлыкъгъа, чабакъ тутмазса.
- Магъанасыз сёз – тауушсуз сыбызгъы.
- Сёлеш деб шай берген, тохта деб, сом берген.
- Бюгюн дуния кибик, тамбла ахыратды.
- Гыдай эчки суугъа къараб, мюйюзле кёрмесе, джашма алкъын, дегенди.
- Ана къолу ачытмаз.
- Ашлыкъны арба юйге келтирир, чана базаргъа элтир.
- Эри аманны, къатыны – аман.
- Ачыу алгъа келсе, акъыл артха къалады.
- Мураты болгъанны джюрек тебюую башхады.
- Джан саулукъ бермей, сан саулукъ бермезсе.
- Иги болса, тамадама – махтау, аман болса, меннге – айыб.
- Тойгъан джерден туугъан джер игиди.
- Джарлыны эшигин махтагъан джабар.
- Тели турса – той бузар.
Къарачай-малкъар проза!
20.02.2008 23:04:23
Девушка Гор
Къуру ?Къара кюбюрню? окъугъанлада ангыларыкъдыла аны. Барысын да окъугъан мы этгенсиз? |
|
|
|
20.02.2008 23:07:49
пуФистая
Кюрешгенме. Сен да окъусанг иги боллукъ эди. Сюйсенг китабланы берликме. |
|
|
|
20.02.2008 23:10:52
Махмуд
къарачайча ол сез къалай болады? Бизни тилибизде "чыгъарма" дей болурламы? |
|
|
|
20.02.2008 23:17:41
Тюзюн айтыргъа мен къарачай прозада чам, кюлкю, оюн хапарлагъа бек тырмашама! Къарачайны чамына джетген джокъду!
|
|
|
|
20.02.2008 23:21:14
Мен да окъугъанма бу чыгъармаланы. А сиз "Биринчи сюймекликни" окъугъанмысыз? Ол да къарачай литературада биринчи детектив жанрда джазылгъанды. Бек аламат китабды
|
|
|
|
20.02.2008 23:34:36
SOFIKOSHKA
Ол китабынг сенде бар эсес, менге да берсенг а Аны не сёзю барды? Къайры келтирейим ансын? |
|
|
|
20.02.2008 23:34:55
SOFIKOSHKA
Китабны излейим да (къайда болгъанын билмейме , тамбла джазарма Ходжаны юсюнден хапарчыкъла! |
|
|
|
20.02.2008 23:37:23
Махмуд
да блайда къуру Ходжаны хапарыды алайсызда |
|
|
|
20.02.2008 23:37:49
къара
да блайда къуру Ходжаны хапарыды алайсызда былайда дегенинг? |
|
|
|
20.02.2008 23:41:02
Махмуд
Ходжаны бир хапарын айтаим биреу: Ходжа хычынла алыб барадыла!!! Ходжа: а менге андан не??? биреу: да сенге алыб барадыла!?!? Ходжа: а сенге уа андан не??? |
|
|
|
20.02.2008 23:43:16
къара
Энтда джаз! |
|
|
|
20.02.2008 23:46:25
SOFIKOSHKA
Биреу сорады Ходжагъа: о бир дунияда къалайды дейсе игимиди???? Ходжа :игитда игиди???кишини къайтыб кёргенмисе???? аман болса мы турлукмедиле |
|
|
|
20.02.2008 23:46:47
SOFIKOSHKA
Тамблагъа эсиме ким жазгъанын, къысха магъанасын тюшюралсам, айтырма. Аллай ариу, тап чыгъармады! Бек сакълаб турлукъма! Сау бол къошулгъанынга! |
|
|
|
21.02.2008 00:04:28
Акъ_Беленькая
Аперим! |
||||
|
|
|||
Читают тему (гостей: 1)