- Хатерли къул болур.
- Къан бла кирген, джан бла чыгъар.
- Ишленмеклик адамлыкъды.
- Билген билмегенни юретген адетди.
- Рысхы – сют юсюнде кёмюк кибикди.
- Башланнган иш битер, къымылдагъан тиш тюшер.
- Айтхан – тынч, этген – къыйын.
- Намыс болмагъан джерде, насыб болмаз.
- Кийимни бичсенг, кенг бич, тар этген къыйын тюлдю.
- Къайтырыкъ эшигинги, къаты уруб чыкъма.
- Ата – баланы уясы.
- Аман адам этегингден тутса, кес да къач.
- Бозанг болмагъан джерге, къалагъынгы сукъма.
- Аллахха ийнаннган кишини, Аллах онгдурур ишин.
- Соргъан айыб тюлдю, билмеген айыбды.
- Берекет берсин деген джерде, берекет болур.
- Аманнга игилик этсенг, юйюнге сау бармазса.
- Билим насыб берир, билим джолну керир.
- Чомартха хар кюн да байрамды.
- Юйлю уругъа ит чабмаз.
- Башынга джетмегенни сорма.
- Артына баргъанны, къатына барма.
- Эл тойса, тоймагъан, эл къойса, къоймагъан.
- Татлы тилде – сёз ариу, чемер къолда – иш ариу.
- Башда акъыл болмаса, эки аякъгъа кюч джетер.
- «Ма», - дегенни билмесенг, «бер», - дегенни билмезсе.
- Накъырда – кертини келечиси.
- Иги сеники эсе да, сюйген кесимикин этеме.
- Сёз – кюмюш, джыр – алтын.
- Джырына кёре эжиую.
- Телиге от эт десенг, юйюнге от салыр.
- Таугъа чыгъаллыкъ эсенг, тюзде къалма.
- Джумушакъ терекни къурт ашар.
- Акъыл бла адеб эгизледиле.
- Ашыкъгъан cуу, тенгизге джетмез.
- Джарлыны эшигин махтагъан джабар.
- Айраннга суу къош, телиге джол бош.
- Рысхы джалгъанды: келген да этер, кетген да этер.
- Гырджын – тепсини тамадасы.
- Ёгюзню мюйюзюнден тутадыла, адамны сёзюнден тутадыла.
- Садакъачыны джаны – къапчыгъында.
- Баш болса, бёрк табылыр.
- Эм ашхы къайын ана мамукъ бла башынгы тешер.
- Къошда джокъгъа – юлюш джокъ.
- Арба аугъандан сора, джол кёргюзтюучю кёб болур.
- Биреуню тёрюнден, кесинги эшик артынг игиди.
- Джаралыны джастыгъында сау ёлюр.
- Ишленмеген джаш – джюгенсиз ат, ишленмеген къыз – тузсуз хант.
- Тура эдим джата, къайдан чыкъды хата?
- Къатын къылыкъсыз, эр тынчлыкъсыз.
Къарачай-малкъар проза!
20.02.2008 23:04:23
Девушка Гор
Къуру ?Къара кюбюрню? окъугъанлада ангыларыкъдыла аны. Барысын да окъугъан мы этгенсиз? |
|
|
|
20.02.2008 23:07:49
пуФистая
Кюрешгенме. Сен да окъусанг иги боллукъ эди. Сюйсенг китабланы берликме. |
|
|
|
20.02.2008 23:10:52
Махмуд
къарачайча ол сез къалай болады? Бизни тилибизде "чыгъарма" дей болурламы? |
|
|
|
20.02.2008 23:17:41
Тюзюн айтыргъа мен къарачай прозада чам, кюлкю, оюн хапарлагъа бек тырмашама! Къарачайны чамына джетген джокъду!
|
|
|
|
20.02.2008 23:21:14
Мен да окъугъанма бу чыгъармаланы. А сиз "Биринчи сюймекликни" окъугъанмысыз? Ол да къарачай литературада биринчи детектив жанрда джазылгъанды. Бек аламат китабды
|
|
|
|
20.02.2008 23:34:36
SOFIKOSHKA
Ол китабынг сенде бар эсес, менге да берсенг а Аны не сёзю барды? Къайры келтирейим ансын? |
|
|
|
20.02.2008 23:34:55
SOFIKOSHKA
Китабны излейим да (къайда болгъанын билмейме , тамбла джазарма Ходжаны юсюнден хапарчыкъла! |
|
|
|
20.02.2008 23:37:23
Махмуд
да блайда къуру Ходжаны хапарыды алайсызда |
|
|
|
20.02.2008 23:37:49
къара
да блайда къуру Ходжаны хапарыды алайсызда былайда дегенинг? |
|
|
|
20.02.2008 23:41:02
Махмуд
Ходжаны бир хапарын айтаим биреу: Ходжа хычынла алыб барадыла!!! Ходжа: а менге андан не??? биреу: да сенге алыб барадыла!?!? Ходжа: а сенге уа андан не??? |
|
|
|
20.02.2008 23:43:16
къара
Энтда джаз! |
|
|
|
20.02.2008 23:46:25
SOFIKOSHKA
Биреу сорады Ходжагъа: о бир дунияда къалайды дейсе игимиди???? Ходжа :игитда игиди???кишини къайтыб кёргенмисе???? аман болса мы турлукмедиле |
|
|
|
20.02.2008 23:46:47
SOFIKOSHKA
Тамблагъа эсиме ким жазгъанын, къысха магъанасын тюшюралсам, айтырма. Аллай ариу, тап чыгъармады! Бек сакълаб турлукъма! Сау бол къошулгъанынга! |
|
|
|
21.02.2008 00:04:28
Акъ_Беленькая
Аперим! |
||||
|
|
|||
Читают тему (гостей: 1)