- Чомартны къолун джокълукъ байлар.
- Адамны аманы адамны бети бла ойнар.
- Къулакъдан эсе, кёзге ышан.
- Танг атмайма десе да, кюн къоярыкъ тюйюлдю.
- Баш болса, бёрк табылыр.
- Иги – алгъыш этер, аман – къаргъыш этер.
- Аууздан келген, къолдан келсе, ким да патчах болур эди.
- Тилчиден кери бол.
- Эл ауузу – элия.
- Айныгъанлы алты кюн, тогъайгъанлы тогъуз кюн.
- Къарын къуру болса, джюрек уру болур.
- Ёксюзню къалачы уллу кёрюнюр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Суу да къайтады чыкъгъан джерине.
- Ишленмеклик адамлыкъды.
- Ойнай билмеген, уруб къачар.
- Джарлыны тону джаз битер.
- Къайгъыны сюйген, къайгъы табар.
- Иги джашны ышаны – аз сёлешиб, кёб тынгылар.
- Мен да «сен», дейме, сен да «кесим», дейсе.
- Джашлыкъ этмеген, башлыкъ этмез.
- Юйюнгден чыкъдынг – кюнюнгден чыкъдынг.
- Къартха ушагъан джаш – акъыллы, джашха ушагъан къарт – тели.
- Атадан ёксюз – бир ёксюз, анадан ёксюз – эки ёксюз.
- Кийимни бир кюнню аясанг, минг кюннге джарар.
- Къонакъ хазыр болгъанлыкъгъа, къонакъбай хазыр тюлдю.
- Ач уят къоймаз.
- Эллинг бла джау болсанг да, юйюнг бла джау болма.
- Тойгъанлыкъ къойгъа джарашады.
- Джылыгъа джылан илешир.
- Сескекли кесин билдирир.
- Ёнгкюч къууана барыр, джылай келир.
- Рысхы – насыбха къор.
- Кюн – узун, ёмюр – къысха.
- Чакъырылмай келген къонакъ сыйланмай кетер.
- Тойгъан джерге джети къайт.
- Джолунга кёре – джюрюшюнг, джагъанга кёре – юлюшюнг.
- Келинин тута билмеген, къул этер, къызын тута билмеген, тул этер.
- Онгсузну – джакъла, тенгликни – сакъла.
- Джаханимни кёрмей, джандетге кёл салмазса.
- Ёпкелегенни ашы татлы болады.
- Байлыкъ тауусулур, билим тауусулмаз.
- Этек чакъмакълары баш джаргъан, сёлешген сёзлери таш джаргъан.
- Эки къатын алгъан – эки ташны ортасына башын салгъан.
- Ёмюрлюк шохлукъну джел элтмез.
- Къолу уллу – асыу, аягъы уллу – джарсыу.
- Башланнган иш битер, къымылдагъан тиш тюшер.
- Айран тёгюлсе, джугъусу къалыр.
- Аманнга алтын чыдамаз.
- Борчунг бар эсе, хурджунунга ойлаб узал.
Къарачай-малкъар проза!
20.02.2008 23:04:23
Девушка Гор
Къуру ?Къара кюбюрню? окъугъанлада ангыларыкъдыла аны. Барысын да окъугъан мы этгенсиз? |
|
|
|
20.02.2008 23:07:49
пуФистая
Кюрешгенме. Сен да окъусанг иги боллукъ эди. Сюйсенг китабланы берликме. |
|
|
|
20.02.2008 23:10:52
Махмуд
къарачайча ол сез къалай болады? Бизни тилибизде "чыгъарма" дей болурламы? |
|
|
|
20.02.2008 23:17:41
Тюзюн айтыргъа мен къарачай прозада чам, кюлкю, оюн хапарлагъа бек тырмашама! Къарачайны чамына джетген джокъду!
|
|
|
|
20.02.2008 23:21:14
Мен да окъугъанма бу чыгъармаланы. А сиз "Биринчи сюймекликни" окъугъанмысыз? Ол да къарачай литературада биринчи детектив жанрда джазылгъанды. Бек аламат китабды
|
|
|
|
20.02.2008 23:34:36
SOFIKOSHKA
Ол китабынг сенде бар эсес, менге да берсенг а Аны не сёзю барды? Къайры келтирейим ансын? |
|
|
|
20.02.2008 23:34:55
SOFIKOSHKA
Китабны излейим да (къайда болгъанын билмейме , тамбла джазарма Ходжаны юсюнден хапарчыкъла! |
|
|
|
20.02.2008 23:37:23
Махмуд
да блайда къуру Ходжаны хапарыды алайсызда |
|
|
|
20.02.2008 23:37:49
къара
да блайда къуру Ходжаны хапарыды алайсызда былайда дегенинг? |
|
|
|
20.02.2008 23:41:02
Махмуд
Ходжаны бир хапарын айтаим биреу: Ходжа хычынла алыб барадыла!!! Ходжа: а менге андан не??? биреу: да сенге алыб барадыла!?!? Ходжа: а сенге уа андан не??? |
|
|
|
20.02.2008 23:43:16
къара
Энтда джаз! |
|
|
|
20.02.2008 23:46:25
SOFIKOSHKA
Биреу сорады Ходжагъа: о бир дунияда къалайды дейсе игимиди???? Ходжа :игитда игиди???кишини къайтыб кёргенмисе???? аман болса мы турлукмедиле |
|
|
|
20.02.2008 23:46:47
SOFIKOSHKA
Тамблагъа эсиме ким жазгъанын, къысха магъанасын тюшюралсам, айтырма. Аллай ариу, тап чыгъармады! Бек сакълаб турлукъма! Сау бол къошулгъанынга! |
|
|
|
21.02.2008 00:04:28
Акъ_Беленькая
Аперим! |
||||
|
|
|||
Читают тему (гостей: 1)