- Къонакъ болсанг, ийнакъ бол.
- Сууда джау джокъ, кёб сёзде магъана джокъ.
- Минг тенг да азды, бир джау да кёбдю.
- Кёз – сюйген джерде, къол – ауругъан джерде.
- Тил – кесген бычакъ, сёз – атылгъан окъ.
- Къошда джокъгъа – юлюш джокъ.
- Aдам боллукъ, сыфатындан белгили.
- Миллетни бойну – базыкъ, аны бла кюрешген – джазыкъ.
- Керти сёзге тёре джокъ.
- Кёзден кетген, кёлден да кетеди.
- Айран ичген – къутулду, джугъусун джалагъан – тутулду.
- Ашхы тенг джолгъа салыр, аман тенг джолдан тайдырыр.
- Чыкълы кюнде чыкъмагъан, чыкъса къуру кирмеген.
- Чыбыкълыкъда бюгюлмеген, къазыкълыкъда бюгюлмей эди.
- Аууз сакълагъан – джан сакълар.
- Джахил болса анасы, не билликди баласы?
- Киштикге къанат битсе, чыпчыкъ къалмаз эди.
- Башы джабылгъан челекге, кир тюшмез.
- Джол бла сёзню къыйыры джокъ.
- Окъугъан озар, окъумагъан тозар.
- Чоюнну башы ачыкъ болса, итге уят керекди.
- Сёз сёзню айтдырыр.
- Айырылмаз джууугъунга, унутмаз сёзню айтма.
- Адамны аманы адамны бети бла ойнар.
- Игини сыйлагъан адетди.
- Билимден уллу байлыкъ джокъду.
- Джан саулукъ бермей, сан саулукъ бермезсе.
- Ауругъан – джашаудан умутчу.
- Къонакъ хазыр болгъанлыкъгъа, къонакъбай хазыр тюлдю.
- Шайтан алдады, тюзлюк къаргъады.
- Ата – баланы уясы.
- Абынмазлыкъ аякъ джокъ, джангылмазлыкъ джаякъ джокъ.
- Джарашыу сюйген – джалынчакъ.
- Кёзюнде тереги болгъан, чёбю болгъаннга кюле эди.
- Билимли ёлмез, билимсиз кёрмез.
- Асхат ашлыкъ сата, юйдегиси ачдан къата.
- Аманны эки битли тону болур, бирин сеннге кийдирир, бирин кеси киер.
- Кесине гебен этелмеген, биреуге черен эте эди.
- Тамбла алтындан бюгюн багъыр ашхы.
- Кийимни бир кюнню аясанг, минг кюннге джарар.
- Адам туугъан джеринде, ит тойгъан джеринде.
- Ушамагъан – джукъмаз.
- Ургъан суудан башынгы сакъла.
- Джюрек кёзден алгъа кёрюр.
- Ёнгкюч къууана барыр, джылай келир.
- Ата Джуртча джер болмаз, туугъан элча эл болмаз.
- Аш хазыр болса, иш харам болур.
- Рысхы джалгъанды: келген да этер, кетген да этер.
- Ариу сёз – джаннга азыкъ, аман сёз – башха къазыкъ.
- Кёзню ачылгъаны – иги, ауузну джабылгъаны – иги.
Къарачай-малкъар проза!
20.02.2008 23:04:23
Девушка Гор
Къуру ?Къара кюбюрню? окъугъанлада ангыларыкъдыла аны. Барысын да окъугъан мы этгенсиз? |
|
|
|
20.02.2008 23:07:49
пуФистая
Кюрешгенме. Сен да окъусанг иги боллукъ эди. Сюйсенг китабланы берликме. |
|
|
|
20.02.2008 23:10:52
Махмуд
къарачайча ол сез къалай болады? Бизни тилибизде "чыгъарма" дей болурламы? |
|
|
|
20.02.2008 23:17:41
Тюзюн айтыргъа мен къарачай прозада чам, кюлкю, оюн хапарлагъа бек тырмашама! Къарачайны чамына джетген джокъду!
|
|
|
|
20.02.2008 23:21:14
Мен да окъугъанма бу чыгъармаланы. А сиз "Биринчи сюймекликни" окъугъанмысыз? Ол да къарачай литературада биринчи детектив жанрда джазылгъанды. Бек аламат китабды
|
|
|
|
20.02.2008 23:34:36
SOFIKOSHKA
Ол китабынг сенде бар эсес, менге да берсенг а Аны не сёзю барды? Къайры келтирейим ансын? |
|
|
|
20.02.2008 23:34:55
SOFIKOSHKA
Китабны излейим да (къайда болгъанын билмейме , тамбла джазарма Ходжаны юсюнден хапарчыкъла! |
|
|
|
20.02.2008 23:37:23
Махмуд
да блайда къуру Ходжаны хапарыды алайсызда |
|
|
|
20.02.2008 23:37:49
къара
да блайда къуру Ходжаны хапарыды алайсызда былайда дегенинг? |
|
|
|
20.02.2008 23:41:02
Махмуд
Ходжаны бир хапарын айтаим биреу: Ходжа хычынла алыб барадыла!!! Ходжа: а менге андан не??? биреу: да сенге алыб барадыла!?!? Ходжа: а сенге уа андан не??? |
|
|
|
20.02.2008 23:43:16
къара
Энтда джаз! |
|
|
|
20.02.2008 23:46:25
SOFIKOSHKA
Биреу сорады Ходжагъа: о бир дунияда къалайды дейсе игимиди???? Ходжа :игитда игиди???кишини къайтыб кёргенмисе???? аман болса мы турлукмедиле |
|
|
|
20.02.2008 23:46:47
SOFIKOSHKA
Тамблагъа эсиме ким жазгъанын, къысха магъанасын тюшюралсам, айтырма. Аллай ариу, тап чыгъармады! Бек сакълаб турлукъма! Сау бол къошулгъанынга! |
|
|
|
21.02.2008 00:04:28
Акъ_Беленькая
Аперим! |
||||
|
|
|||
Читают тему (гостей: 1)