- Ариу сёз джыланны орнундан чыгъарыр.
- Джерни букъусу кёкге къонмаз.
- Туз, гырджын аша, тюзлюк бла джаша.
- Эки итни арасына сюек атма, эки адамны арасында сёз чыгъарма.
- Адеб этмеген, адеб кёрмез.
- Мухардан ач ычхынмаз.
- Экиндини кеч къылсанг, чабыб джетер ашхам.
- Адам сёзге тынгыла, акъыл сёзню ангыла.
- Къартны бурнун сюрт да, оноугъа тут.
- Джигер – джаннга къыйынлыкъ.
- Билими азны – ауузунда кирит.
- Къарнынг тойгъунчу аша да, белинг талгъынчы ишле.
- Кюн – узун, ёмюр – къысха.
- Ана къолу ачытмаз.
- Терек ауса, отунчу – кёб.
- Азыкълы ат арымаз, къатыны аман джарымаз.
- Джарлы джети элни сёзюн этер.
- Айырылмаз джууугъунга, унутмаз сёзню айтма.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашаса, ашамаса да, бёрюню ауузу – къан.
- Къонакъ аз олтурур, кёб сынар.
- Аш кетер да бет къалыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къазанда болса, чолпугъа чыгъар.
- Билим къая тешер.
- Бойнуму джети джерден кессенг да, мен ол ишни этеллик тюлме.
- Байны оноуу, джарлыгъа джарамаз.
- Керти сёзге тёре джокъ.
- Акъыллы айтыр эди, акъылсыз къоймайды.
- Тешигини къатында, чычхан да батыр болур.
- Аз сёлешген, къайгъысыз турур.
- Эл тойса, тоймагъан, эл къойса, къоймагъан.
- Берекет берсин деген джерде, берекет болур.
- Къайтырыкъ эшигинги, къаты уруб чыкъма.
- Суу да къайтады чыкъгъан джерине.
- Харам къарнашдан, халал тенг ашхы.
- Алтыда кюлмеген, алтмышда кюлмез.
- Иги болса, тамадама – махтау, аман болса, меннге – айыб.
- Битмегеннге сакъал – танг.
- Джаханимни кёрмей, джандетге кёл салмазса.
- Кёкдеги болмаса, джердегин кёрмейди.
- Адамны бетине къарама, адетине къара.
- Тюзлюк тас болмайды.
- Уллу атлама – абынырса, уллу къабма – къарылырса.
- Эте билген, этген этеди, эте билмеген, юретген этеди!
- Онгсузну – джакъла, тенгликни – сакъла.
- Гугук кесини атын айтыб къычыргъанча, мен, мен деб нек тураса?
- Тенгинг джокъ эсе – изле, бар эсе – сакъла!
- Адамны сабийин сюйген джюреги, бычакъча, джитиди.
- Тилчи тилден къаныкъмаз.
Къарачай-малкъар проза!
20.02.2008 23:04:23
Девушка Гор
Къуру ?Къара кюбюрню? окъугъанлада ангыларыкъдыла аны. Барысын да окъугъан мы этгенсиз? |
|
|
|
20.02.2008 23:07:49
пуФистая
Кюрешгенме. Сен да окъусанг иги боллукъ эди. Сюйсенг китабланы берликме. |
|
|
|
20.02.2008 23:10:52
Махмуд
къарачайча ол сез къалай болады? Бизни тилибизде "чыгъарма" дей болурламы? |
|
|
|
20.02.2008 23:17:41
Тюзюн айтыргъа мен къарачай прозада чам, кюлкю, оюн хапарлагъа бек тырмашама! Къарачайны чамына джетген джокъду!
|
|
|
|
20.02.2008 23:21:14
Мен да окъугъанма бу чыгъармаланы. А сиз "Биринчи сюймекликни" окъугъанмысыз? Ол да къарачай литературада биринчи детектив жанрда джазылгъанды. Бек аламат китабды
|
|
|
|
20.02.2008 23:34:36
SOFIKOSHKA
Ол китабынг сенде бар эсес, менге да берсенг а Аны не сёзю барды? Къайры келтирейим ансын? |
|
|
|
20.02.2008 23:34:55
SOFIKOSHKA
Китабны излейим да (къайда болгъанын билмейме , тамбла джазарма Ходжаны юсюнден хапарчыкъла! |
|
|
|
20.02.2008 23:37:23
Махмуд
да блайда къуру Ходжаны хапарыды алайсызда |
|
|
|
20.02.2008 23:37:49
къара
да блайда къуру Ходжаны хапарыды алайсызда былайда дегенинг? |
|
|
|
20.02.2008 23:41:02
Махмуд
Ходжаны бир хапарын айтаим биреу: Ходжа хычынла алыб барадыла!!! Ходжа: а менге андан не??? биреу: да сенге алыб барадыла!?!? Ходжа: а сенге уа андан не??? |
|
|
|
20.02.2008 23:43:16
къара
Энтда джаз! |
|
|
|
20.02.2008 23:46:25
SOFIKOSHKA
Биреу сорады Ходжагъа: о бир дунияда къалайды дейсе игимиди???? Ходжа :игитда игиди???кишини къайтыб кёргенмисе???? аман болса мы турлукмедиле |
|
|
|
20.02.2008 23:46:47
SOFIKOSHKA
Тамблагъа эсиме ким жазгъанын, къысха магъанасын тюшюралсам, айтырма. Аллай ариу, тап чыгъармады! Бек сакълаб турлукъма! Сау бол къошулгъанынга! |
|
|
|
21.02.2008 00:04:28
Акъ_Беленькая
Аперим! |
||||
|
|
|||
Читают тему (гостей: 1)