- Зарда марда джокъ.
- Таукел адам тау тешер.
- Ойнай билмеген, уруб къачар.
- Къарт болгъан джерде, берекет болур, сабий болгъан джерде, оюн болур.
- Къонакъны къачан кетерин сорма, къачан келлигин сор.
- Тил бла келеди джыр да.
- Эрни эр этерик да, къара джер этерик да, тиширыуду.
- Аманны тукъумуна къарама, игини тукъумун сорма.
- Сакъалы текени да бар, мыйыгъы киштикни да бар.
- Сакъ юйюне сау барыр.
- Биреуге кёлтюрген таягъынг, кесинги башынга урур.
- Ач къалгъандан, кеч къалгъан къолай.
- Ачны эсинде – аш.
- Ауругъан – джашаудан умутчу.
- Ёпкелегенни ашы татлы болады.
- Кёбден умут этиб, аздан къуру къалма.
- Адамны джюреги нени кёрюрге сюйсе, кёзю да аны кёрюрге ёч болады.
- Садакъачыны джаны – къапчыгъында.
- Сакъламагъан затынга джолукъсанг, не бек къууанаса, не бек ачыйса.
- Мухарны эси – ашарыкъда.
- Ата – баланы уясы.
- Тили узунну, намысы – къысха.
- Сагъышы джокъ – джукъучу, акъылы джокъ – къаугъачы.
- Юйюнгден чыкъдынг – кюнюнгден чыкъдынг.
- Шекер бла туз – бир болмаз, ушамагъан – юй болмаз.
- Этни да ашады, бетни да ашады.
- Ёлюк кебинсиз къалмаз.
- Къонакъ болсанг, ийнакъ бол.
- Къая джолда джортма, ачыкъ сёзден къоркъма.
- Къайгъы тюбю – тенгиз.
- Къулакъдан эсе, кёзге ышан.
- Уллу къазанда бишген эт, чий къалмаз.
- Ёнгкюч къууана барыр, джылай келир.
- Кийим тукъум сордурур.
- Акъдан къара болмаз.
- Зар адамны насыбы болмаз.
- Тойгъанлыкъ къойгъа джарашады.
- Соргъан айыб тюлдю, билмеген айыбды.
- Элде адам къалмаса, ит тахтагъа минер.
- Джети тилни билген джети кишиди.
- Окъуусуз билим – джокъ, билимсиз кюнюнг – джокъ.
- Джюрекден джюрекге джол барды.
- Дженгил джетерикме деб, узун джолну къоюб, къысхасын барма.
- Сангырау къулакъ эл бузар.
- Рысхы – сют юсюнде кёмюк кибикди.
- Абынмазлыкъ аякъ джокъ, джангылмазлыкъ джаякъ джокъ.
- Байлыкъ адамны сокъур этер.
- Чабакъсыз кёлге къармакъ салгъанлыкъгъа, чабакъ тутмазса.
- Зар адам ашынгы ашар, кесинги сатар.
- Нёгер болсанг, тенг бол, тенг болмасанг, кенг бол.
Къарачай-малкъар проза!
20.02.2008 23:04:23
Девушка Гор
Къуру ?Къара кюбюрню? окъугъанлада ангыларыкъдыла аны. Барысын да окъугъан мы этгенсиз? |
|
|
|
20.02.2008 23:07:49
пуФистая
Кюрешгенме. Сен да окъусанг иги боллукъ эди. Сюйсенг китабланы берликме. |
|
|
|
20.02.2008 23:10:52
Махмуд
къарачайча ол сез къалай болады? Бизни тилибизде "чыгъарма" дей болурламы? |
|
|
|
20.02.2008 23:17:41
Тюзюн айтыргъа мен къарачай прозада чам, кюлкю, оюн хапарлагъа бек тырмашама! Къарачайны чамына джетген джокъду!
|
|
|
|
20.02.2008 23:21:14
Мен да окъугъанма бу чыгъармаланы. А сиз "Биринчи сюймекликни" окъугъанмысыз? Ол да къарачай литературада биринчи детектив жанрда джазылгъанды. Бек аламат китабды
|
|
|
|
20.02.2008 23:34:36
SOFIKOSHKA
Ол китабынг сенде бар эсес, менге да берсенг а Аны не сёзю барды? Къайры келтирейим ансын? |
|
|
|
20.02.2008 23:34:55
SOFIKOSHKA
Китабны излейим да (къайда болгъанын билмейме , тамбла джазарма Ходжаны юсюнден хапарчыкъла! |
|
|
|
20.02.2008 23:37:23
Махмуд
да блайда къуру Ходжаны хапарыды алайсызда |
|
|
|
20.02.2008 23:37:49
къара
да блайда къуру Ходжаны хапарыды алайсызда былайда дегенинг? |
|
|
|
20.02.2008 23:41:02
Махмуд
Ходжаны бир хапарын айтаим биреу: Ходжа хычынла алыб барадыла!!! Ходжа: а менге андан не??? биреу: да сенге алыб барадыла!?!? Ходжа: а сенге уа андан не??? |
|
|
|
20.02.2008 23:43:16
къара
Энтда джаз! |
|
|
|
20.02.2008 23:46:25
SOFIKOSHKA
Биреу сорады Ходжагъа: о бир дунияда къалайды дейсе игимиди???? Ходжа :игитда игиди???кишини къайтыб кёргенмисе???? аман болса мы турлукмедиле |
|
|
|
20.02.2008 23:46:47
SOFIKOSHKA
Тамблагъа эсиме ким жазгъанын, къысха магъанасын тюшюралсам, айтырма. Аллай ариу, тап чыгъармады! Бек сакълаб турлукъма! Сау бол къошулгъанынга! |
|
|
|
21.02.2008 00:04:28
Акъ_Беленькая
Аперим! |
||||
|
|
|||
Читают тему (гостей: 1)