Ойнай билмеген, оюн бузар.
Баш – акъыл ючюн, акъылман – халкъ ючюн.
Баланы адам этген анады.
Юйлю уругъа ит чабмаз.
Адам боллукъ, атламындан белгили болур.
Хар ишни да аллы къыйынды.
Кёб джашагъан – кёб билир.
Эл бла кёргенинг эрелей.
Аман къатын алгъан, арыр, иги къатын алгъан джарыр.
Ёгюзню мюйюзлери ауурлукъ этмейдиле.
Ишлегенде эринме, ишде чолакъ кёрюнме.
Ашда уялгъан – мухар, ишде уялгъан – хомух.
Джан саулукъ бермей, сан саулукъ бермезсе.
Тура эдим джата, къайдан чыкъды хата?
Ата джурт – алтын бешик.
Аманнга да, игиге да оноусуз къатышма.
Ач къалгъандан, кеч къалгъан къолай.
Джюрекге ариу – кёзге да ариу.
Гугук кесини атын айтыб къычыргъанча, мен, мен деб нек тураса?
Азыкълы ат арымаз, къатыны аман джарымаз.
Байлыкъ адамны сокъур этер.
Билими азны – ауузунда кирит.
Алтыда кюлмеген, алтмышда кюлмез.
Къыз тиширыу кеси юйюнде да къонакъды.
Кюн – узун, ёмюр – къысха.
От кюйдюрген, сау болса да, тот кюйдюрген, сау болмаз.
Кёзюнде тереги болгъан, чёбю болгъаннга кюле эди.
Мухардан ач ычхынмаз.
Тойгъан джерден туугъан джер игиди.
Игилик игилик бла сингдирилиучю затды.
Суу ичген шауданынга тюкюрме.
Аманны тукъумуна къарама, игини тукъумун сорма.
Ёнгкюч къууана барыр, джылай келир.
Къартха ушагъан джаш – акъыллы, джашха ушагъан къарт – тели.
Рысхы – насыбха къор.
Байлыкъдан саулукъ ашхыды.
Кесине гебен этелмеген, биреуге черен эте эди.
Агъач – джерни чырайы, кийим – эрни чырайы.
Сакъалы текени да бар, мыйыгъы киштикни да бар.
Ёлген аслан – сау чычхан.
Сакъ юйюне сау барыр.
Аууз сакълагъан – джан сакълар.
Кюн кёрмеген, кюн кёрсе, кюндюз чыракъ джандырыр.
Сютню башын джалагъан къутулур, тюбюн ичген тутулур.
Шекер бла туз – бир болмаз, ушамагъан – юй болмаз.
Эр сокъур болсун, къатын тилсиз болсун.
Джарлыны тону джаз битер.
Кёз – сюйген джерде, къол – ауругъан джерде.
Зар адам ашынгы ашар, кесинги сатар.
Тиширыусуз юй – отсуз от джагъа.
