Къозулугъунда тоймагъан, къойлугъунда тоймаз.
Ойнай билмеген, уруб къачар.
Накъырданы арты керти болур.
Таукел тауну аудурур.
Оюмсуз атлагъан, аджалсыз ёлюр.
Окъугъан озар, окъумагъан тозар.
Айтханы чапыракъдан ётмеген.
Баргъанынга кёре болур келгенинг.
Ашха уста, юйюнде болсун
Джаханимни кёрмей, джандетге кёл салмазса.
Тешигини къатында, чычхан да батыр болур.
Джюрекден джюрекге джол барды.
Нёгерсизни джолу узун.
Чакъырылмагъан къонакъ къачан кетерин сормаз.
Сакъламагъан затынга джолукъсанг, не бек къууанаса, не бек ачыйса.
Къая джолда джортма, ачыкъ сёзден къоркъма.
Аманнга алтын чыдамаз.
Юре билмеген ит, къонакъ келтирир.
Джети тилни билген джети кишиди.
Джырына кёре эжиую.
Ишни аллы бла къууанма да, арты бла къууан.
Ёлген ийнек сютлю болур.
Хатерли къул болур.
Ётюрюкден тюбю джокъ, кёлтюрюрге джиби джокъ.
Ашхы сёз таш тешер.
Ана кёлю – балада, бала кёлю – талада.
Аш кетер да бет къалыр.
Ышармагъан – кюлмез, кюлмеген – къууанчны билмез.
Миллетни бойну – базыкъ, аны бла кюрешген – джазыкъ.
Кёзю сокъурдан – къоркъма, кёлю сокъурдан – къоркъ.
Мухарны эси – ашарыкъда.
Джылар джаш, атасыны сакъалы бла ойнар.
Эринчекни аурууу – кёб.
Бозаны арты дауур болур.
Адам боллукъ, атламындан белгили болур.
Къайтырыкъ эшигинги, къаты уруб чыкъма.
Керти сёзге тёре джокъ.
Эски джаугъа ышанма.
Эринчекге кюн узун.
Къар – келтирди, суу – элтди.
Кюлме джашха – келир башха.
Зар адамны насыбы болмаз.
Ойнай билмеген, оюн бузар.
Тёзген – тёш ашар!
Эл тойса, тоймагъан, эл къойса, къоймагъан.
Окъуусуз билим – джокъ, билимсиз кюнюнг – джокъ.
Ариу джол аджал келтирмез.
Элиб деген, элге болушур.
Чомартха Тейри да борчлуду.
Адамны аты башхача, акъылы да башхады.
