Тюзлюк шохлукъну бегитир.
Рысхы – сют юсюнде кёмюк кибикди.
Чомартны къолун джокълукъ байлар.
Ач уят къоймаз.
Джумушакъ терекни къурт ашар.
Бек анасы джыламаз.
Ашыкъгъан cуу, тенгизге джетмез.
Къыйынлы джети элге оноу этер.
Эки элинги тыйсанг, джети элде махталырса.
Сабыр джетер муратха, сабырсыз къалыр уятха.
Магъанасыз сёз – тауушсуз сыбызгъы.
Тюзню ётмеги тюзде къалса да, тас болмаз.
Джарлыны эшигин махтагъан джабар.
Джарлы джети элни сёзюн этер.
Ётюрюкчюню шагъаты – къатында.
Терек ауса, отунчу – кёб.
Кюн кёрмеген, кюн кёрсе, кюндюз чыракъ джандырыр.
Къазанны башы ачыкъ болса, итге уят керекди.
Биреуню тёрюнден, кесинги эшик артынг игиди.
Ашха уста, юйюнде болсун
Суугъа – таянма, джаугъа – ийнанма.
Уллу къазанда бишген эт, чий къалмаз.
Аджал соруб келмез, келсе, къайтыб кетмез.
Рысхы джалгъанды: келген да этер, кетген да этер.
Окъумагъан сокъурду, сокъур ташха абыныр!
Тойгъан антын унутур.
Тилсиз миллет джокъ болур.
Аллахдан тилесенг, кёб тиле.
Ариу сёз аурууунгу алыр.
Эркиши – от, тиширыу – суу.
Адам боллукъ, атламындан белгили болур.
Джюрек кёзден алгъа кёрюр.
Эркишини аманы тиширыуну джылатыр.
Къартны сыйын кёрмеген, къартлыгъында сыйлы болмаз.
Джаралыны джастыгъында сау ёлюр.
Кёлсюзден сёзсюз тууар.
Джырына кёре эжиую.
Джыйырма къойну юч джыйырма эбзе кюте эди.
Къазанчы аман болса, къазаны къайнамаз.
Ишленмеген джаш – джюгенсиз ат, ишленмеген къыз – тузсуз хант.
Таукел адам тау тешер.
Агъач – джерни чырайы, кийим – эрни чырайы.
Тойгъан джерге джети къайт.
Ата Джуртча джер болмаз, туугъан элча эл болмаз.
Телиге от эт десенг, юйюнге от салыр.
Шайтан алдады, тюзлюк къаргъады.
Ауурну тюбю бла, дженгилни башы бла джюрюген.
Аман киши кеси юйюнде – къонакъ.
Зарда марда джокъ.
Джол бла сёзню къыйыры джокъ.
