Адам къыйынлыгъын кёлтюрюр, зауукълугъун кёлтюрмез.
Элиб деген, элге болушур.
Гыдай эчки суугъа къараб, мюйюзле кёрмесе, джашма алкъын, дегенди.
Сютден ауузу кюйген, суугъа юфгюре эди.
Айранны сюйген, ийнек тутар.
Тойгъанлыкъ къойгъа джарашады.
Намыс болмагъан джерде, насыб болмаз.
Хунаны тюбюн къазсанг, юсюнге ауар.
Кёрмегеннге кебек – танг, битмегеннге сакъал – танг.
Кесине оноу эте билмеген, халкъына да эте билмез.
Адамны адамлыгъы къыйынлыкъда айгъакъланады.
Айран тёгюлсе, джугъусу къалыр.
Чомарт къонакъ юй иесин сыйлар.
Биреуге кёлтюрген таягъынг, кесинги башынга урур.
Джарлы эскисин джамаса, къууаныр.
Кёл ашады да, кеси ашады.
Кёзню ачылгъаны – иги, ауузну джабылгъаны – иги.
Таш бла ургъанны, аш бла ур.
Урунуу – насыбны анасы.
Тилчи тилден къаныкъмаз.
От этилмеген джерден тютюн чыкъмайды.
Аман адам элни бир-бирине джау этер.
Хансыз джомакъ болмаз.
Ата Джуртуму башы болмасам да, босагъасында ташы болайым.
Чарсда алчыны эл кёреди.
Айтхан сёзюне табылгъан.
Илму – джашауну джолу.
Джуртун къоругъан озар.
Джангызны оту джарыкъ джанмаз!
Тойгъа барсанг, тоюб бар, эски тонунгу къоюб бар.
Уясында не кёрсе, учханында аны этер.
Мухар, кеси тойса да, кёзю тоймаз.
Кенгеш болса, уруш болмаз.
Хоншуну тауугъу къаз кёрюнюр, келини къыз кёрюнюр.
Харам къарнашдан, халал тенг ашхы.
Кёлсюзден сёзсюз тууар.
Огъурлуну сёзю – суу, огъурсузну сёзю – уу.
Ётюрюкню къуйругъу – бир тутум.
Дууулдаса – бал чибин, къонса – къара чибин.
Болджал ишни бёрю ашар.
Ашына кёре табагъы, балына кёре къалагъы.
Кийиминг бла танылма, адамлыкъ бла таныл.
Айырылгъанланы айю ашар, бёлюннгенлени бёрю ашар.
Джарлыны тону джаз битер.
Джерни букъусу кёкге къонмаз.
Дуния мал дунияда къалады.
Акъдан къара болмаз.
Тин – байлыгъынг, терен саулугъунг.
Эшекге миннген – биринчи айыб, андан джыгъылгъан – экинчи айыб.
Рысхысына кёре, джаш ёсер, къышлыгъына кёре, мал ёсер.
