«Ма», - дегенни билмесенг, «бер», - дегенни билмезсе.
Aдам боллукъ, сыфатындан белгили.
Къартны бурнун сюрт да, оноугъа тут.
Оюмсуз атлагъан, аджалсыз ёлюр.
Эркиши – от, тиширыу – суу.
Биреуню тёрюнден, кесинги эшик артынг игиди.
Къалгъан ишге къар джауар.
Билимли ёлмез, билимсиз кёрмез.
Кёзю сокъурдан – къоркъма, кёлю сокъурдан – къоркъ.
Эркишини аманы тиширыуну джылатыр.
Джыланны къуйругъундан басарынг келсе, аны башы болгъанын унутма.
Босагъагъа джууукъ орун болса, ашыгъыб тёрге озма.
Чомартха хар кюн да байрамды.
Эр абынмай, эл танымаз.
Акъыл къартда, джашда тюйюлдю – башдады.
Къыз чыгъаргъан – къызыл къымжа.
Тюзню ётмеги тюзде къалса да, тас болмаз.
Джюрекге ариу – кёзге да ариу.
Узун джолну барсанг, бюгюн келирсе, къысха джолну барсанг, тамбла келирсе.
Сибиртки да сыйлы болду, кюрек да кюнлю болду.
Эл бла кёргенинг эрелей.
Къатын байлыкъны сюер, эр саулукъну сюер.
Ач отунчуну ачыуу – бурнунда.
Хантына кёре тузу, юйюне кёре къызы.
Олтуруб кёрюнмей эди да, ёрге туруб кёрюне эди.
Келинин тута билмеген, къул этер, къызын тута билмеген, тул этер.
Биреу ашаб къутулур, биреу джалаб тутулур.
Арбаз сайлама да, хоншу сайла.
Нарт сёз – тилни бети.
Бёрю да ач къалмасын, эчки да ашалмасын.
Бек анасы джыламаз.
Хансыз джомакъ болмаз.
Акъыл сабырлыкъ берир.
Ашхы сёз таш тешер.
Къралынгы – душмандан, башынгы от бла суудан сакъла.
Адеб базарда сатылмаз.
Айран тёгюлсе, джугъусу къалыр.
Соргъан айыб тюлдю, билмеген айыбды.
Бал ашаргъа сюе эсенг, чибин ургъаннга тёз.
Телиге акъыл салгъандан эсе, ёлгеннге джан салырса.
Къуру гыбыт бек дыгъырдар.
Ханы къызы буюгъа-буюгъа киштик болду.
Акъдан къара болмаз.
Къарнынг бла ёч алма.
Адеби болмагъан къыз – тузсуз хант.
Къууут – джелге, берне – бошха.
Огъурлуну сёзю – суу, огъурсузну сёзю – уу.
Джумушакъ сёз къаты таякъны сындырыр.
Кесине гебен этелмеген, биреуге черен эте эди.
Ана къолу ачытмаз.
