Джиби бир къат джетмей эди да, эки къат тарта эди.
Ханнга да келеди хариблик.
Къонагъынгы артмагъын алма да, алгъышын ал.
Биреуге кёлтюрген таягъынг, кесинги башынга урур.
Мураты болгъанны джюрек тебюую башхады.
Ётюрюкчюню шагъаты – къатында.
Хар ишни да аллы къыйынды.
Душманны тышы – акъ, ичи – къара.
Сабыр джетер муратха, сабырсыз къалыр уятха.
Дуния аламаты сен эсенг да, игиме деб айтма.
Сыфатында болмагъаны, суратында болмаз.
Нарт сёз – тилни бети.
Ашхылыкъ джерде джатмайды, аманлыкъ суугъа батмайды.
Къартны сыйын кёрмеген, къартлыгъында сыйлы болмаз.
Алтыннга тот къонмаз.
Джюрекге ариу – кёзге да ариу.
Алгъанда – джууукъ, бергенде – джау.
Тау башында, тау болмаз, джангыз терек, бау болмаз.
Иесиз малны бёрю ашар.
Къуллукъчума, деб махтанма, къуллукъ – хаух джамчыды!
Акъыл бла адеб эгизледиле.
Къозулугъунда тоймагъан, къойлугъунда тоймаз.
Иги сёз – джаннга азыкъ, аман сёз башха – къазыкъ.
Иги адамны бир сёзю эки болмаз.
Бир абыннган – минг сюрюнюр.
Келгинчи, къонакъ уялыр, келгенден сора, къонакъбай уялыр.
Бозаны арты дауур болур.
Джюз элде джюз ёгюзюм болгъандан эсе, джюз джууугъум болсун.
Танг атмайма десе да, кюн къоярыкъ тюйюлдю.
Эртде тургъан бла эртде юйленнген сокъуранмаз.
Этим кетсе да, сюегим къалыр.
Артына баргъанны, къатына барма.
Адамны сабийин сюйген джюреги, бычакъча, джитиди.
Эшекге миннген – биринчи айыб, андан джыгъылгъан – экинчи айыб.
Иги – алгъыш этер, аман – къаргъыш этер.
Джарлы тюеге минсе да, ит къабар.
Ариу сёз – джаннга азыкъ, аман сёз – башха къазыкъ.
Акъдан къара болмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Аджаллыгъа окъсуз шкок атылыр.
Сакъламагъан затынга джолукъсанг, не бек къууанаса, не бек ачыйса.
Магъанасыз сёз – тауушсуз сыбызгъы.
Ойнай билмеген, оюн бузар.
Къарнынг ауруса, ауузунгу тый
Къарнынг бла ёч алма.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Кёлсюзден сёзсюз тууар.
Билим насыб берир, билим джолну керир.
Эл элде бирер малынг болгъандан эсе, бирер тенгинг болсун.
Ким бла джюрюсенг, аны кёзю бла кёрюнюрсе.
