Мухарны эси – ашарыкъда.
Тойгъа алгъа да барма, тойда артха да къалма.
Билимли ёлмез, билимсиз кёрмез.
Ашына кёре табагъы, балына кёре къалагъы.
Байдан умут эте, джарлыдан ёгюз багъасы къорады.
Ишлегенде эринме, ишде чолакъ кёрюнме.
Тёгюлген тюгел джыйылмайды.
Ач – эснер, ат – кишнер.
Рысхы джалгъанды: келген да этер, кетген да этер.
Хаухну атма, ёнгкючню сатма.
Кийимни бичсенг, кенг бич, тар этген къыйын тюлдю.
Джангыз торгъай джырламаз.
Аджал соруб келмез, келсе, къайтыб кетмез.
Адам туугъан джеринде, ит тойгъан джеринде.
Ачыкъ джюрекге джол – ачыкъ.
Таукел адам тау тешер.
Тёрде – темир таякълы, къаяда – чыпчыкъ аякълы.
Акъыллы башны – тили къысха.
Ариу – кёзге, акъыл – джюрекге.
Бозанг болмагъан джерге, къалагъынгы сукъма.
Акъыл сабырлыкъ берир.
Гитче джилтин уллу элни джандырыр.
Таула не мийик болсала да, аууш табылыр.
Нарт сёз – тилни бети.
Тура эдим джата, къайдан чыкъды хата?
Атлыны кёрсе, джаяуну буту талыр.
Айран ичген – къутулду, джугъусун джалагъан – тутулду.
Тилде сюек болмаса да, сюек сындырыр.
Огъурлуну сёзю – суу, огъурсузну сёзю – уу.
Билмезни кёзю кёрмез, этмезни къулагъы эшитмез.
Джарлы эскисин джамаса, къууаныр.
Ёзденликни джайгъан – джокълукъ.
Ашхы болсанг, атынг чыгъар, аман болсанг, джанынг чыгъар.
Джылыгъа джылан илешир.
Тюкюрюк баш джармаз, налат кёз чыгъармаз!
Экеулен сёлеше тура эселе, орталарына барыб кирме.
Эри аманны, къатыны – аман.
Байлыкъ болгъан джерде, тынчлыкъ джокъду.
Алгъанда – джууукъ, бергенде – джау.
Байлыкъ тауусулур, билим тауусулмаз.
Бичгенде ашыкъма, тикгенде ашыкъ.
Таукел тауну аудурур.
Татлы тилде – сёз ариу, чемер къолда – иш ариу.
Борчунг бар эсе, хурджунунга ойлаб узал.
Бир абыннган – минг сюрюнюр.
Ашхылыкъ джерде джатмайды, аманлыкъ суугъа батмайды.
Алтыда кюлмеген, алтмышда кюлмез.
Баш – акъыл ючюн, акъылман – халкъ ючюн.
Таш бла ургъанны, аш бла ур.
Къатын къылыкъсыз, эр тынчлыкъсыз.
