Ишлемеген – тишлемез.
Къарын къуру болса, джюрек уру болур.
Биреу къой излей, биреу той излей.
Къатын къылыкъсыз, эр тынчлыкъсыз.
Терек ауса, отунчу – кёб.
Сангырау къулакъ эл бузар.
Аманнга игилик этсенг, юйюнге сау бармазса.
Суу кетер, таш къалыр.
Тау башында, тау болмаз, джангыз терек, бау болмаз.
Ёлген ийнек сютлю болур.
Тилде сюек болмаса да, сюек сындырыр.
Эркишини аманы тиширыуну джылатыр.
Эл ауузу – элек, анга ийнаннган – халек.
Зарда марда джокъ.
Сагъышы джокъ – джукъучу, акъылы джокъ – къаугъачы.
Онгсузну – джакъла, тенгликни – сакъла.
Чомарт бергенин айтмаз.
Башы джабылгъан челекге, кир тюшмез.
Сыфатында болмагъаны, суратында болмаз.
Чакъырылмагъан къонакъ тёрге атламаз.
Миллетни бойну – базыкъ, аны бла кюрешген – джазыкъ.
Джарлыны тону джаз битер.
Тойгъа барсанг, тоюб бар, эски тонунгу къоюб бар.
Ашхы – джыяр, аман – джояр.
Ичимден чыкъды хата, къайры барайым сата?
Айыбны суу бла джууалмазса.
Къаллай салам берсенг, аллай джууаб алырса.
Къыз чыгъаргъан – къызыл къымжа.
Билмейме деген – бир сёз
Эски джаугъа ышанма.
Суу ичген шауданынга тюкюрме.
Ауругъанны сау билмез, ач къарынны токъ билмез.
Кийимни бир кюнню аясанг, минг кюннге джарар.
Кенгеш болса, уруш болмаз.
Юйюнг бла джау болгъандан эсе, элинг бла джау бол.
Туз, гырджын аша, тюзлюк бла джаша.
Уллу къазанда бишген эт, чий къалмаз.
Чабакъ башындан чирийди.
Башсыз урчукъ тюзюне айланмаз.
Джукъу тёшек сайламайды.
Бастасын ашагъан, хантусун да ичер.
Адамны бетине къарама, адетине къара.
Сабий кёргенин унутмаз.
Эки къатын алгъанны къулагъы тынгнгаймаз.
Тюзню ётмеги тюзде къалса да, тас болмаз.
Ишни аллы бла къууанма да, арты бла къууан.
Бети – къучакълар, джюреги – бычакълар.
Этни бети бла шорпасы.
Бал – татлы, балдан да бала – татлы.
Асхат ашлыкъ сата, юйдегиси ачдан къата.
