Бети къызарыучу адамны, джюреги харам болмаз.
Айран ичген – къутулду, джугъусун джалагъан – тутулду.
Къуллукъчума, деб махтанма, къуллукъ – хаух джамчыды!
Адебни адебсизден юрен.
Акъыллы башны – тили къысха.
Ат да турмайды бир териде.
Джолда аягъынга сакъ бол, ушакъда тилинге сакъ бол.
Адеби болмагъан къыз – тузсуз хант.
Адамны бетине къарама, адетине къара.
Урама да – ёледи, сатама да – келеди.
Чабакъгъа акъыл, табагъа тюшсе келеди.
Борчунг бар эсе, хурджунунга ойлаб узал.
Адеб этмеген, адеб кёрмез.
Ёлген аслан – сау чычхан.
Кимни – тили, тиши онглу, кимни – къолу, иши онглу.
Башы джабылгъан челекге, кир тюшмез.
Къонакъ аман болса, къонакъбай джунчур
Ёзденликни джайгъан – джокълукъ.
Айырылгъанланы айю ашар, бёлюннгенлени бёрю ашар.
Адеб джокъда, намыс джокъ.
Тойгъа алгъа да барма, тойда артха да къалма.
Тойгъа барсанг, тоюб бар, эски тонунгу къоюб бар.
Къазанчы аман болса, къазаны къайнамаз.
Сёз – кюмюш, джыр – алтын.
Онгсузну – джакъла, тенгликни – сакъла.
Чоюнну башы ачыкъ болса, итге уят керекди.
Ариу сёз аурууунгу алыр.
Таш ата билмеген, башына урур.
Ёлген эшек бёрюден къоркъмайды.
Ашхы атаны – джашы ашхы, ашхы ананы – къызы ашхы.
Айыбны суу бла джууалмазса.
Игилик игилик бла сингдирилиучю затды.
Аманнга игилик этсенг, юйюнге сау бармазса.
Джаханимни кёрмей, джандетге кёл салмазса.
Окъугъан озар, окъумагъан тозар.
Адам къыйынлыгъын кёлтюрюр, зауукълугъун кёлтюрмез.
Намыс болмагъан джерде, насыб болмаз.
Терек ауса, отунчу – кёб.
Тойчу джашха къарама, къойчу джашха къара.
Тойгъан антын унутур.
Къонакъ аз олтурур, кёб сынар.
Аурууну келиую тынч, кетиую – къыйын.
Экеу тутушса, биреу джыгъылыр.
Эр абынмай, эл танымаз.
Айранын берсенг, челегин да къызгъанма.
Тик ёргени, тик энгишгеси да болады.
Хата – гитчеден.
Хар зат кесини орнуна иги.
Джаз бир кюнню джатсанг, къыш талай кюнню абынырса.
Билимден уллу байлыкъ джокъду.
