Ичимден чыкъды хата, къайры барайым сата?
Къартны сыйын кёрмеген, къартлыгъында сыйлы болмаз.
Атынг аманнга чыкъгъандан эсе, джанынг тамагъынгдан чыкъсын.
Олтуруб кёрюнмей эди да, ёрге туруб кёрюне эди.
Билимден уллу байлыкъ джокъду.
Чомартха Тейри да борчлуду.
Юреннген ауруу къалмаз.
Кёб джат да, бек чаб.
Къумурсхала джыйылсала, пилни да джыгъадыла.
Урунуу – насыбны анасы.
Бичгенде ашыкъма, тикгенде ашыкъ.
Кёзю сокъурдан – къоркъма, кёлю сокъурдан – къоркъ.
Ата – билек, ана – джюрек!
Сибиртки да сыйлы болду, кюрек да кюнлю болду.
Сагъыш – къартлыкъгъа сюйюмчю.
Кёз – сюйген джерде, къол – ауругъан джерде.
Эл ауузу – элек, анга ийнаннган – халек.
Эри аманны, къатыны – аман.
Абынмазлыкъ аякъ джокъ, джангылмазлыкъ джаякъ джокъ.
Мураты болгъанны джюрек тебюую башхады.
Чабакъсыз кёлге къармакъ салгъанлыкъгъа, чабакъ тутмазса.
Айтхан сёзюне табылгъан.
Аман киши кеси юйюнде – къонакъ.
Айранны сюйген, ийнек тутар.
Хатерли къул болур.
Къонакъны къачан кетерин сорма, къачан келлигин сор.
Джети тилни билген джети кишиди.
Арбаз къынгырды да, ийнек сауалмайма.
Нафысынгы айтханын этме, намысынгы айтханын эт.
Ариу сёз джыланны орнундан чыгъарыр.
Азыкълы ат арымаз, къатыны аман джарымаз.
Ашхы атаны – джашы ашхы, ашхы ананы – къызы ашхы.
Намыс сатылыб алынмайды.
Элни кючю – эмеген.
Экеулен сёлеше тура эселе, орталарына барыб кирме.
Къонагъы джокъну – шоху джокъ.
Бойнуму джети джерден кессенг да, мен ол ишни этеллик тюлме.
Къыйынлы джети элни къайгъысын этер.
Сабыр джетер муратха, сабырсыз къалыр уятха.
Бастасын ашагъан, хантусун да ичер.
Дууулдаса – бал чибин, къонса – къара чибин.
Артына баргъанны, къатына барма.
Эски джаугъа ышанма.
Ишни ахырын ойламай, аллын башлама.
Билмегенинги, билгеннге сор.
Сёлеш деб шай берген, тохта деб, сом берген.
Эки къатын алгъанны къулагъы тынгнгаймаз.
Биреуге кёлтюрген таягъынг, кесинги башынга урур.
Келинин тута билмеген, къул этер, къызын тута билмеген, тул этер.
Огъурлуну сёзю – суу, огъурсузну сёзю – уу.
