Джерни букъусу кёкге къонмаз.
Бети бедерден, намыс сакълама.
Кёзюнде тереги болгъан, чёбю болгъаннга кюле эди.
Къызгъанчдан ычхыныр, мухардан ычхынмаз.
Эм ашхы къайын ана мамукъ бла башынгы тешер.
Ашыкъгъанны этеги бутуна чырмалыр.
Къыз чыгъаргъан – къызыл къымжа.
Къонакъ хазыр болгъанлыкъгъа, къонакъбай хазыр тюлдю.
Ишни ахырын ойламай, аллын башлама.
Ашарыкъда сайлагъаннга – чий гырджын.
Байны къызы баймакъ болса да, юйде къалмаз!
Билмегенинги, билгеннге сор.
Ауругъанны сау билмез, ач къарынны токъ билмез.
Юй ишлеген балта эшикде къалыр.
Тешик этген тынчды, аны джамагъан къыйынды.
Чакъырылмагъан къонакъ – орунсуз.
От кюйдюрген, сау болса да, тот кюйдюрген, сау болмаз.
Шайтан алдады, тюзлюк къаргъады.
Айтхан сёзюне табылгъан.
Ач къарынны, токъ билмез
Бастасын ашагъан, хантусун да ичер.
Джетген къыз джерли эшекни танымаз.
Аманны къуугъан, аманлыкъ табар.
Аджалсыз ёлюм болмаз.
Ёмюрлюк шохлукъну джел элтмез.
Бал ашаргъа сюе эсенг, чибин ургъаннга тёз.
Aдам боллукъ, сыфатындан белгили.
Къолунгдан къуймакъ ашатсанг да, атаны борчундан къутулмазса.
Ёксюзню тилеги къабыл болур.
Тойгъан антын унутур.
Ётюрюкчюню шагъаты – къатында.
Эски джаугъа ышанма.
Кесинг сынамагъан затны, адамгъа буюрма.
Харам къарнашдан, халал тенг ашхы.
Айранын берсенг, челегин да къызгъанма.
Байны оноуу, джарлыгъа джарамаз.
Керти сёзге тёре джокъ.
Ата джурт – алтын бешик.
Тойчу джашха къарама, къойчу джашха къара.
Атынг аманнга чыкъгъандан эсе, джанынг тамагъынгдан чыкъсын.
Телиге акъыл салгъандан эсе, ёлгеннге джан салырса.
Зар адам ашынгы ашар, кесинги сатар.
Ёгюзню мюйюзлери ауурлукъ этмейдиле.
Къызын тута билмеген, тул этер, джашын тута билмеген, къул этер.
Кимни – тили, тиши онглу, кимни – къолу, иши онглу.
Хата – гитчеден.
Таякъ этден ётер, тил сюекден ётер.
Окъдан джара эртде-кеч болса да бителир, сёз джара, ёмюрге къалыр.
Джырчы джырчыгъа – къарнаш.
Телиге от эт десенг, юйюнге от салыр.
