Билгенни къолу къарны джандырыр.
Кёлю джокъну – джолу джокъ.
Ач отунчуну ачыуу – бурнунда.
Джаш болсун, къыз болсун, акъылы, саны тюз болсун.
Къошда джокъгъа – юлюш джокъ.
Тешигини къатында, чычхан да батыр болур.
Юреннген ауруу къалмаз.
Аджал соруб келмез, келсе, къайтыб кетмез.
Сёлеш деб шай берген, тохта деб, сом берген.
Чарсда алчыны эл кёреди.
Къралынгы – душмандан, башынгы от бла суудан сакъла.
Тешик этген тынчды, аны джамагъан къыйынды.
От этилмеген джерден тютюн чыкъмайды.
Эки итни арасына сюек атма, эки адамны арасында сёз чыгъарма.
Эки ойлашыб, бир сёлешген.
Хар зат кесини орнуна иги.
Байлыкъ адамны сокъур этер.
Къыз тиширыу кеси юйюнде да къонакъды.
Тил – миллетни джаны.
«Ёгюз, джаргъа джууукъ барма, меннге джюк боллукъса», - дегенди эшек.
Адам къыйынлыгъын кёлтюрюр, зауукълугъун кёлтюрмез.
Аз сёлешген, къайгъысыз турур.
Къартны сыйын кёрмеген, къартлыгъында сыйлы болмаз.
Ата Джуртун танымагъан, атасын да танымаз.
Къонакъ хазыр болгъанлыкъгъа, къонакъбай хазыр тюлдю.
Тёрде – темир таякълы, къаяда – чыпчыкъ аякълы.
Тиширыусуз юй – отсуз от джагъа.
Джукъу тёшек сайламайды.
Таугъа чыгъаллыкъ эсенг, тюзде къалма.
Окъдан джара эртде-кеч болса да бителир, сёз джара, ёмюрге къалыр.
Ариу – кёзге, акъыл – джюрекге.
Зар адам ашынгы ашар, кесинги сатар.
Чомарт къолда мал къалмаз.
Тик ёргени, тик энгишгеси да болады.
Къумурсхала джыйылсала, пилни да джыгъадыла.
Къулакъдан эсе, кёзге ышан.
Гугурук къычырмаса да, тангны атары къалмаз.
Билмезни кёзю кёрмез, этмезни къулагъы эшитмез.
Джумушакъ сёз къаты таякъны сындырыр.
Кёб ант этген, кёб ётюрюк айтыр.
Ётген ёмюр – акъгъан суу.
Аман эсирсе, юйюн ояр.
Итли къонакъ джарашмаз.
Суу да къайтады чыкъгъан джерине.
Кесине оноу эте билмеген, халкъына да эте билмез.
Аман къатын алгъан, арыр, иги къатын алгъан джарыр.
Айранны сюйген, ийнек тутар.
Сёз – кюмюш, джыр – алтын.
Телиге от эт десенг, юйюнге от салыр.
Аууз сакълагъан – джан сакълар.
