Сютден ауузу кюйген, суугъа юфгюре эди.
Эки элинги тыйсанг, джети элде махталырса.
Ачны эсинде – аш.
Ачылгъан эт джабылыр, кёрген кёз унутмаз.
Кийимни бир кюнню аясанг, минг кюннге джарар.
Берекет берсин деген джерде, берекет болур.
Хансыз джомакъ болмаз.
Ашхы сёз таш тешер.
Чыбыкълыкъда бюгюлмеген, къазыкълыкъда бюгюлмей эди.
Джол бла сёзню къыйыры джокъ.
Келинни – келгинчи, бёркню кийгинчи кёр.
Джаным-тиним – окъуу, билим.
Узун джолну барсанг, бюгюн келирсе, къысха джолну барсанг, тамбла келирсе.
Сёз сёзню айтдырыр.
Къазанчы аман болса, къазаны къайнамаз.
Айранны сюйген, ийнек тутар.
Кёбню кёрген – кёб билир.
Биреуге аманлыкъны тилеме да, кесинге ашхылыкъны тиле.
Эринчекге кюн узун.
Тик ёргени, тик энгишгеси да болады.
Аш берме да, къаш бер.
Ауругъаннга – кийик саулукъ, джетген къызгъа – чилле джаулукъ.
Тил джюрекге джол ишлейди.
Эрине къаргъыш этген къатын, эрнин къабар.
Эл бла кёргенинг эрелей.
Юреннген ауруу къалмаз.
Сакъламагъан затынга джолукъсанг, не бек къууанаса, не бек ачыйса.
Бет бетге къараса, бет да джерге къарар.
Бичгенде ашыкъма, тикгенде ашыкъ.
Шапа кёб болса, аш татымсыз болур.
Аджаллыгъа окъсуз шкок атылыр.
Керек ташны ауурлугъу джокъ.
Тамбла алтындан бюгюн багъыр ашхы.
Азыкъ аз болса, эртде орун сал.
Душманны тышы – акъ, ичи – къара.
Намысы болмагъанны, сыйы болмаз.
Таула не мийик болсала да, аууш табылыр.
Хата – гитчеден.
Эте билген, этген этеди, эте билмеген, юретген этеди!
Тёрдеги кюлсе, эшикдеги ышарыр.
Акъыллы – эл иеси, тели – эл баласы.
Тёгюлген тюгел джыйылмайды.
Суу кетер, таш къалыр.
Байлыкъ келсе, акъыл кетер.
Тыш элде солтан болгъандан эсе, кесинги элде олтан болгъан игиди!
Экиндини кеч къылсанг, чабыб джетер ашхам.
Тюзлюк тас болмайды.
Айныгъанлы алты кюн, тогъайгъанлы тогъуз кюн.
Хар зат кесини орнуна иги.
Билмейме деген – бир сёз
