Ётюрюкню башын керти кесер.
Джолунга кёре – джюрюшюнг, джагъанга кёре – юлюшюнг.
Нарт сёз – тилни бети.
Билим къая тешер.
Акъыл сабырлыкъ берир.
Ауругъан – джашаудан умутчу.
Ёлген ийнек сютлю болур.
Чарсда алчыны эл кёреди.
Таукелге нюр джауар.
Игилик игилик бла сингдирилиучю затды.
Къолу уллу – асыу, аягъы уллу – джарсыу.
Кёб къычыргъандан – къоркъма, тынч олтургъандан – къоркъ.
Иши джокъну, сыйы джокъ.
Къарт айтханны этмеген, къартаймаз.
Окъугъанны бети джарыкъ.
Иесиз малны бёрю ашар.
Таугъа чыгъаллыкъ эсенг, тюзде къалма.
Байлыкъ келсе, акъыл кетер.
Кийиминг бла танылма, адамлыкъ бла таныл.
Эринчекни эр алмаз, эр алса да, кёл салмаз, кёл салса да, кёб бармаз!
Орундукъ тюбюнде атылсам да, орта джиликме, де да айлан.
Билмегенинги, билгеннге сор.
Гугук кесини атын айтыб къычыргъанча, мен, мен деб нек тураса?
Сютден ауузу кюйген, суугъа юфгюре эди.
Алма терегинден кери кетмез.
Элде адам къалмаса, ит тахтагъа минер.
Ойнай-ойнай кёз чыгъар.
Насыб бютеу халкъны юлюшюдю.
Этек чакъмакълары баш джаргъан, сёлешген сёзлери таш джаргъан.
Джаханимни кёрмей, джандетге кёл салмазса.
Айран тёгюлсе, джугъусу къалыр.
Тил – кесген бычакъ, сёз – атылгъан окъ.
Къайгъы тюбю – тенгиз.
Кёб джашагъан – кёб билир.
Къатын байлыкъны сюер, эр саулукъну сюер.
Джарашыу сюйген – джалынчакъ.
Кийим тукъум сордурур.
Билим ат болуб да чабар, къуш болуб да учар.
Адамны бетине къарама, адетине къара.
Чомарт джарлы болмаз.
Аман эсирсе, юйюн ояр.
Аууз сакълагъан – джан сакълар.
Суу ичген шауданынга тюкюрме.
Соргъан айыб тюлдю, билмеген айыбды.
Минг тенг да азды, бир джау да кёбдю.
Суугъа – таянма, джаугъа – ийнанма.
Алим болгъандан эсе, адам болгъан къыйынды.
Тели турса – той бузар.
Тыш элде солтан болгъандан эсе, кесинги элде олтан болгъан игиди!
Къарнынг ауруса, ауузунгу тый
