Аджашхан тёгерек айланыр.
Къартны бурнун сюрт да, оноугъа тут.
Эм уллу байлыкъ – джан саулукъ.
Билими азны – ауузунда кирит.
Ата – билек, ана – джюрек!
Юреннген ауруу къалмаз.
Ашын ашагъанынгы, башын да сыйла.
Намысы джокъну – дуниясы джокъ.
Тилчиден кери бол.
Къарнынг къанлынга кийирир.
Ана къойну – балагъа джандет.
Айныгъанлы алты кюн, тогъайгъанлы тогъуз кюн.
Берекет берсин деген джерде, берекет болур.
Джюрек кёзден алгъа кёрюр.
Сибиртки да сыйлы болду, кюрек да кюнлю болду.
Терслик кетер, тюзлюк джетер.
Байлыкъ келсе, акъыл кетер.
Соргъан айыб тюлдю, билмеген айыбды.
Ётюрюкню къуйругъу – бир тутум.
Аджашханны ызындагъы кёреди, джангылгъанны джанындагъы биледи.
Тилчи тилден къаныкъмаз.
Окъумагъан сокъурду, сокъур ташха абыныр!
Термилгенинги табмазса, кюлгенинге тюберсе.
Хунаны тюбюн къазсанг, юсюнге ауар.
Джангызны оту джарыкъ джанмаз!
Алтыда кюлмеген, алтмышда кюлмез.
Хоншуну тауугъу къаз кёрюнюр, келини къыз кёрюнюр.
Ариу сёз аурууунгу алыр.
Уясында не кёрсе, учханында аны этер.
Таукел адам тау тешер.
Джахил болса анасы, не билликди баласы?
Тешигини къатында, чычхан да батыр болур.
Ёнгкюч къууана барыр, джылай келир.
Окъдан джара эртде-кеч болса да бителир, сёз джара, ёмюрге къалыр.
Кечеси – аяз, кюню – къыш, джарлы къаргъагъа бир аш тюш!
Акъыл къартда, джашда тюйюлдю – башдады.
Тёрени джагъы джокъ.
Арбаз сайлама да, хоншу сайла.
Ачлыкъда тары гырджын халыуадан татлы.
Ашда – бёрю, ишде – ёлю.
Болджал ишни бёрю ашар.
Кёб ант этген, кёб ётюрюк айтыр.
Керилген да, ургъан кибикди.
Кёбден умут этиб, аздан къуру къалма.
Сакъ юйюне сау барыр.
Джарашыу сюйген – джалынчакъ.
Аман къатын алгъан, арыр, иги къатын алгъан джарыр.
Эки ойлашыб, бир сёлешген.
Рысхы – насыбха къор.
Адам къыйынлыгъын кёлтюрюр, зауукълугъун кёлтюрмез.
