Кийимни бичсенг, кенг бич, тар этген къыйын тюлдю.
Бет бетге къараса, бет да джерге къарар.
Адам къыйынлыгъын кёлтюрюр, зауукълугъун кёлтюрмез.
Башынга джетмегенни сорма.
Къызын тута билмеген, тул этер, джашын тута билмеген, къул этер.
Бермеген къол, алмайды.
Джиби бир къат джетмей эди да, эки къат тарта эди.
Бал ашаргъа сюе эсенг, чибин ургъаннга тёз.
Ач бёрюге мекям джокъ.
Бети къызарыучу адамны, джюреги харам болмаз.
Хар адамгъа кеси миннген тау кибик.
Джарлы эскисин джамаса, къууаныр.
Ётюрюк хапар аякъ тюбю бла джюрюйдю.
Байдан умут эте, джарлыдан ёгюз багъасы къорады.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тюзлюк тас болмайды.
Уллу сёлешме да, уллу къаб.
Намысы болмагъанны, сыйы болмаз.
Ач – эснер, ат – кишнер.
Аманнга игилик этсенг, юйюнге сау бармазса.
Ариу – кёзге, акъыл – джюрекге.
Билген билмегенни юретген адетди.
Кийим тукъум сордурур.
Сютден ауузу кюйген, суугъа юфгюре эди.
Кёкдеги болмаса, джердегин кёрмейди.
Эркишиге тары кебек танг кёрюнюр.
Къозулугъунда тоймагъан, къойлугъунда тоймаз.
Сормай – алма, чакъырылмай – барма.
Джуртун къоругъан озар.
Джауумдан сора, кюн кюйдюрюр, ётюрюкден сора, айыб кюйдюрюр.
Нафысынгы айтханын этме, намысынгы айтханын эт.
Бичгенде ашыкъма, тикгенде ашыкъ.
Къан бла кирген, джан бла чыгъар.
Ата Джуртун танымагъан, атасын да танымаз.
Айраннга суу къош, телиге джол бош.
Айырылгъанланы айю ашар, бёлюннгенлени бёрю ашар.
Джюрекге ариу – кёзге да ариу.
Азыкъ аз болса, эртде орун сал.
Къайгъыны сюйген, къайгъы табар.
Къартха ушагъан джаш – акъыллы, джашха ушагъан къарт – тели.
Тешик этген тынчды, аны джамагъан къыйынды.
Тойну къарнашы – харс, джырны къарнашы – эжиу.
Чомартха хар кюн да байрамды.
Кёпюр салгъан кеси ётер, уру къазгъан кеси кетер.
Таула не мийик болсала да, аууш табылыр.
Суугъа – чабакъ, къаягъа – ыргъакъ.
Кёз – сюйген джерде, къол – ауругъан джерде.
Сагъыш – къартлыкъгъа сюйюмчю.
Къуру гыбыт бек дыгъырдар.
Ишни ахырын ойламай, аллын башлама.
