Къаллай салам берсенг, аллай джууаб алырса.
Ана къолу ачытмаз.
Ана къойну – балагъа джандет.
Арба аугъандан сора, джол кёргюзтюучю кёб болур.
Нарт сёз къарт болмаз.
Арбаз къынгырды да, ийнек сауалмайма.
Тёгюлген тюгел джыйылмайды.
Джашынгы кесинг юретмесенг, джашау юретир.
Биреу къой излей, биреу той излей.
Тойгъан джерге джети къайт.
Ата Джуртуму башы болмасам да, босагъасында ташы болайым.
Къатын къылыкъсыз, эр тынчлыкъсыз.
Къолунгдан къуймакъ ашатсанг да, атаны борчундан къутулмазса.
Тойгъа барсанг, тоюб бар, эски тонунгу къоюб бар.
Сёз сёзню айтдырыр.
Магъанасыз сёз – тауушсуз сыбызгъы.
Хатерли къул болур.
Шайтан алдады, тюзлюк къаргъады.
Эл тойса, тоймагъан, эл къойса, къоймагъан.
Арбаз сайлама да, хоншу сайла.
Джукъу тёшек сайламайды.
Сютню башын джалагъан къутулур, тюбюн ичген тутулур.
Ач уят къоймаз.
Иесиз малны бёрю ашар.
Ёгюзню мюйюзлери ауурлукъ этмейдиле.
Кёбню кёрген – кёб билир.
Зар адамны насыбы болмаз.
Эр сокъур болсун, къатын тилсиз болсун.
Айран ичген – къутулду, джугъусун джалагъан – тутулду.
Эллинг бла джау болсанг да, юйюнг бла джау болма.
Къошда джокъгъа – юлюш джокъ.
Келлик заман – къартлыкъ келтирир, кетген заман – джашлыкъ ёлтюрюр.
Къыз тиширыу кеси юйюнде да къонакъды.
Шекер бла туз – бир болмаз, ушамагъан – юй болмаз.
Кюлме джашха – келир башха.
Ата – билек, ана – джюрек!
Тенгинг джокъ эсе – изле, бар эсе – сакъла!
Уруну арты – къуру.
Джуртун къоругъан озар.
Иги адамны бир сёзю эки болмаз.
Ёлген аслан – сау чычхан.
Минг тенг да азды, бир джау да кёбдю.
Бек анасы джыламаз.
Ёлген ийнек сютлю болур.
Узун джолну барсанг, бюгюн келирсе, къысха джолну барсанг, тамбла келирсе.
Уллу айтханны этмеген – уллаймаз.
Ханы къызы буюгъа-буюгъа киштик болду.
Ойнай билмеген, оюн бузар.
Ачылгъан эт джабылыр, кёрген кёз унутмаз.
Ургъан суудан башынгы сакъла.
