Айныгъанлы алты кюн, тогъайгъанлы тогъуз кюн.
Джашда акъыл джокъ, къартда къарыу джокъ.
Ишлегенден, къарагъан уста.
Ачны эсинде – аш.
Юре билмеген ит, къонакъ келтирир.
Шайтан алдады, тюзлюк къаргъады.
Ач келгенни – тойдур, кеч келгенни – къондур.
Айран тёгюлсе, джугъусу къалыр.
Баш болса, бёрк табылыр.
Телиге акъыл салгъандан эсе, ёлгеннге джан салырса.
Джиби бир къат джетмей эди да, эки къат тарта эди.
Билмегенинги, билгеннге сор.
Айтханы чапыракъдан ётмеген.
Айтхан сёзюне табылгъан.
Джашны джигитлиги сорулур, къызны джигерлиги сорулур.
Ойнаб айтсанг да, эслеб айт.
Ач отунчуну ачыуу – бурнунда.
Эркиши – от, тиширыу – суу.
Айтылгъан буйрукъ, сёгюлмез
Къыйынлы джети элге оноу этер.
Нёгер болсанг, тенг бол, тенг болмасанг, кенг бол.
Аз сёлеш, кёб ишле.
Насыблы элин сюер, насыбсыз кесин сюер.
Ишлемеген – тишлемез.
Аз сёлешген, къайгъысыз турур.
Бети къызарыучу адамны, джюреги харам болмаз.
Аз айтсам, кёб ангылагъыз.
Аш кетер да бет къалыр.
Акъыллы – эл иеси, тели – эл баласы.
Мураты болгъанны джюрек тебюую башхады.
Сютню башын джалагъан къутулур, тюбюн ичген тутулур.
Окъугъанны бети джарыкъ.
Сабий кёргенин унутмаз.
Ариу сёз аурууунгу алыр.
Кёпюр салгъан кеси ётер, уру къазгъан кеси кетер.
Элге къуллукъ этмеген, элге ие болмаз.
Элде адам къалмаса, ит тахтагъа минер.
Эски джаугъа ышанма.
Къартны бурнун сюрт да, оноугъа тут.
Аман къатын сабий табса, бий болур…
Окъумагъан сокъурду, сокъур ташха абыныр!
Сёз садакъдан кючлюдю.
Шапа кёб болса, аш татымсыз болур.
Азыгъы аз, алгъа къабар, аты аман, алгъа чабар.
Уллу къашыкъ эрин джыртар.
Джарлыны тону джаз битер.
Гыдай эчки суугъа къараб, мюйюзле кёрмесе, джашма алкъын, дегенди.
Сёз сёзню айтдырыр.
Айтылгъан сёз ызына къайтмаз.
Бек ашыкъгъан меннге джетсин, дегенди аракъы.
