Ётюрюкню къуйругъу – бир тутум.
Хар зат кесини орнуна иги.
Ашын ашагъанынгы, башын да сыйла.
Биреу ашаб къутулур, биреу джалаб тутулур.
Чакъырылмагъан къонакъ – орунсуз.
Чомартха Тейри да борчлуду.
Кютгени беш эчки, сызгъыргъаны уа, джерни джарады.
Къартны бурнун сюрт да, оноугъа тут.
Суу кетер, таш къалыр.
Биреуге аманлыкъны тилеме да, кесинге ашхылыкъны тиле.
Айырылмаз джууугъунга, унутмаз сёзню айтма.
Тил – миллетни джаны.
Окъдан джара эртде-кеч болса да бителир, сёз джара, ёмюрге къалыр.
Къанны къан бла джуума, аманны аман бла къуума.
Терек ауса, отунчу – кёб.
Тил джюрекге джол ишлейди.
Ач отунчуну ачыуу – бурнунда.
Азыкълы ат арымаз, къатыны аман джарымаз.
Байлыкъ келсе, акъыл кетер.
Аджалсыз ёлюм болмаз.
Игиге айтсанг – билир, аманнга айтсанг – кюлюр.
Тынгылагъан тынгы бузар.
Ашаса, ашамаса да, бёрюню ауузу – къан.
Къарт бла баш аша, джаш бла аякъ аша.
Кийимни бир кюнню аясанг, минг кюннге джарар.
Бозанг болмагъан джерге, къалагъынгы сукъма.
Эл тойса, тоймагъан, эл къойса, къоймагъан.
Артына баргъанны, къатына барма.
Бети бедерден, намыс сакълама.
Ауругъанны сау билмез, ач къарынны токъ билмез.
Мухар, кеси тойса да, кёзю тоймаз.
Байлыкъдан саулукъ ашхыды.
Халкъны юйю – туугъан джери.
Баланы адам этген анады.
Джигер – джаннга къыйынлыкъ.
Игилик игилик бла сингдирилиучю затды.
Къонакъ аз олтурур, кёб сынар.
Ачны эсинде – аш.
Босагъагъа джууукъ орун болса, ашыгъыб тёрге озма.
Аман киши кеси юйюнде – къонакъ.
Эринчекни аурууу – кёб.
Ат да турмайды бир териде.
Ариуну – ауруу кёб.
Адебни адебсизден юрен.
Аз сёлешген, къайгъысыз турур.
Къонакъны къачан кетерин сорма, къачан келлигин сор.
Аманны къуугъан, аманлыкъ табар.
Кюн – узун, ёмюр – къысха.
Болджал ишни бёрю ашар.
Адеб базарда сатылмаз.
