Хар ишни да аллы къыйынды.
Сабыр джетер муратха, сабырсыз къалыр уятха.
Байлыкъ адамны сокъур этер.
Ач, тоймам, дейди, тойгъан, ач болмам, дейди.
Алтыда кюлмеген, алтмышда кюлмез.
Кёзден кетген, кёлден да кетеди.
Ётюрюкчюню шагъаты – къатында.
Тёрени джагъы джокъ.
Адамны джюреги нени кёрюрге сюйсе, кёзю да аны кёрюрге ёч болады.
Таугъа чыгъаллыкъ эсенг, тюзде къалма.
Экеулен сёлеше тура эселе, орталарына барыб кирме.
Эли джокъну – кёлю джокъ.
Аманны къуугъан, аманлыкъ табар.
Эркишини аманы тиширыуну джылатыр.
Къарыусузгъа кюлме, онгсузгъа тийме.
Баш болса, бёрк табылыр.
Къайгъыны сюйген, къайгъы табар.
Тилчи бир сагъатха айлыкъ хата этер.
Тойчу джашха къарама, къойчу джашха къара.
Ауругъаннга – кийик саулукъ, джетген къызгъа – чилле джаулукъ.
Аз сёлешген, къайгъысыз турур.
Байны къызы баймакъ болса да, юйде къалмаз!
Билимли ёлмез, билимсиз кёрмез.
Кёб джашагъан – кёб билир.
Мал ёлсе, сюек къалыр, адам ёлсе, иши къалыр.
Сёз сёзню айтдырыр.
Къулакъдан эсе, кёзге ышан.
Нёгер болсанг, тенг бол, тенг болмасанг, кенг бол.
Таш ата билмеген, башына урур.
Ана – юйню кюн джарыгъы.
Джаз бир кюнню джатсанг, къыш талай кюнню абынырса.
Джырчы ёлсе, джыры къалыр.
Аджашхан тёгерек айланыр.
Эр абынмай, эл танымаз.
Джиби бир къат джетмей эди да, эки къат тарта эди.
Кёкдеги болмаса, джердегин кёрмейди.
Аманнга да, игиге да оноусуз къатышма.
Ашыкъгъан cуу, тенгизге джетмез.
Арпа, будай – ащды, алтын, кюмюш а – ташды.
Иги – алгъыш этер, аман – къаргъыш этер.
Ачлыкъ отха секиртир.
Халкъны джырын джырласанг, халкъ санга эжиу этер.
Къыз келсе, джумуш эте келеди, къатын келсе, ушакъ эте келеди.
Чакъырылгъанны аты, чакъырылмагъанны багъасы болур.
Суугъа – чабакъ, къаягъа – ыргъакъ.
Алим болгъандан эсе, адам болгъан къыйынды.
Джашынгы кесинг юретмесенг, джашау юретир.
Къарны аманнга къазан такъдырма, къолу аманнга от джакъдырма.
Эшекни не къадар тюйсенг да, ат болмаз.
Джогъун бар этген, барын бал этген.
