Бети – къучакълар, джюреги – бычакълар.
Ёмюрлюк шохлукъну джел элтмез.
Насыблы элин сюер, насыбсыз кесин сюер.
Байма, деб да, къууанма, джарлыма, деб да, джылама.
Джукъу тёшек сайламайды.
Ашатыргъа иш – ашхы, ишлетирге аш – ашхы.
Ётюрюкню башын керти кесер.
Болджал ишни бёрю ашар.
Ата – билек, ана – джюрек!
Ачлыкъ отха секиртир.
Къонагъынгы артмагъын алма да, алгъышын ал.
Къарын къуру болса, джюрек уру болур.
Тилде сюек болмаса да, сюек сындырыр.
Ат басханны джер билед.
Бозаны арты дауур болур.
Орундукъ тюбюнде атылсам да, орта джиликме, де да айлан.
Аш хазыр болса, иш харам болур.
Юй ишлеген балта эшикде къалыр.
Къуллукъчума, деб махтанма, къуллукъ – хаух джамчыды!
Аджашханны ызындагъы кёреди, джангылгъанны джанындагъы биледи.
Уллу айтханны этмеген – уллаймаз.
Этни да ашады, бетни да ашады.
Аманнга алтын чыдамаз.
От этилмеген джерден тютюн чыкъмайды.
Байлыкъ тауусулур, билим тауусулмаз.
Кёбню кёрген – кёб билир.
Азыкълы ат арымаз, къатыны аман джарымаз.
Рысхы джалгъанды: келген да этер, кетген да этер.
Ауурну тюбю бла, дженгилни башы бла джюрюген.
Къартны бурнун сюрт да, оноугъа тут.
Тели турса – той бузар.
Аман адам этегингден тутса, кес да къач.
Экеулен сёлеше тура эселе, орталарына барыб кирме.
Иги адамны бир сёзю эки болмаз.
Игиге айтсанг – билир, аманнга айтсанг – кюлюр.
Хансыз джомакъ болмаз.
Бёрю да ач къалмасын, эчки да ашалмасын.
Керек ташны ауурлугъу джокъ.
Кюн – узун, ёмюр – къысха.
Къайгъы тюбю – тенгиз.
Эки къатын алгъан – эки ташны ортасына башын салгъан.
Ишлегенде эринме, ишде чолакъ кёрюнме.
Зар адамны насыбы болмаз.
Нарт сёз – тилни бети.
Соргъан айыб тюлдю, билмеген айыбды.
Узун джолну барсанг, бюгюн келирсе, къысха джолну барсанг, тамбла келирсе.
Урама да – ёледи, сатама да – келеди.
Байлыкъ адамны сокъур этер.
Ичимден чыкъды хата, къайры барайым сата?
Адамны аты башхача, акъылы да башхады.
