Ойнай-ойнай кёз чыгъар.
Хар зат кесини орнуна иги.
Къолу уллу – асыу, аягъы уллу – джарсыу.
Ариу сёз – джаннга азыкъ, аман сёз – башха къазыкъ.
Рысхы – сют юсюнде кёмюк кибикди.
Атадан ёксюз – бир ёксюз, анадан ёксюз – эки ёксюз.
Булут кёкге джарашыу, уят бетге джарашыу.
Ач къарным, тынч къулагъым.
Ёлген ийнек сютлю болур.
Тилчиден кери бол.
Окъугъанны бети джарыкъ.
Ашыкъгъан cуу, тенгизге джетмез.
Халкъны джырын джырласанг, халкъ санга эжиу этер.
Билимден уллу байлыкъ джокъду.
Уруну арты – къуру.
Адамны джюреги нени кёрюрге сюйсе, кёзю да аны кёрюрге ёч болады.
Чарсда алчыны эл кёреди.
Узун джолну барсанг, бюгюн келирсе, къысха джолну барсанг, тамбла келирсе.
Иги – алгъыш этер, аман – къаргъыш этер.
Намысы джокъну – дуниясы джокъ.
Тилсиз миллет джокъ болур.
Аманнга да, игиге да оноусуз къатышма.
Тил джюрекге джол ишлейди.
Малны кют, джерни тюрт.
От кюйдюрген, сау болса да, тот кюйдюрген, сау болмаз.
Къан бла кирген, джан бла чыгъар.
Биреу ашаб къутулур, биреу джалаб тутулур.
Келлик заман – къартлыкъ келтирир, кетген заман – джашлыкъ ёлтюрюр.
Арбаз сайлама да, хоншу сайла.
Къумурсхала джыйылсала, пилни да джыгъадыла.
Берекет берсин деген джерде, берекет болур.
Къартны сыйын кёрмеген, къартлыгъында сыйлы болмаз.
Чакъырылмагъан къонакъ къачан кетерин сормаз.
Эринчекни эр алмаз, эр алса да, кёл салмаз, кёл салса да, кёб бармаз!
Эркишини аманы тиширыуну джылатыр.
Къая джолда джортма, ачыкъ сёзден къоркъма.
Байлыкъ болгъан джерде, тынчлыкъ джокъду.
Къыйынлы джети элни къайгъысын этер.
Нарт сёз къарт болмаз.
Ач къалгъандан, кеч къалгъан къолай.
Тойгъа алгъа да барма, тойда артха да къалма.
Ашыкъгъанны этеги бутуна чырмалыр.
Ариу сёз джыланны орнундан чыгъарыр.
Тёрдеги кюлсе, эшикдеги ышарыр.
Таукел къуру къалмаз.
Эрине къаргъыш этген къатын, эрнин къабар.
Алгъанда – джууукъ, бергенде – джау.
Сёз сёзню айтдырыр.
Эл ауузу – элек, анга ийнаннган – халек.
Ётюрюк хапар аякъ тюбю бла джюрюйдю.
