Сакъалы текени да бар, мыйыгъы киштикни да бар.
Джюрек кёзден алгъа кёрюр.
Ач бёрюге мекям джокъ.
Ариу сёз аурууунгу алыр.
Чыкълы кюнде чыкъмагъан, чыкъса къуру кирмеген.
Къарнынг къанлынга кийирир.
Айныгъанлы алты кюн, тогъайгъанлы тогъуз кюн.
Чомартха хар кюн да байрамды.
Абынмазлыкъ аякъ джокъ, джангылмазлыкъ джаякъ джокъ.
Тилчи тилден къаныкъмаз.
Эл ауузу – элек, анга ийнаннган – халек.
Адамны аманы адамны бети бла ойнар.
Ариу – кёзге, акъыл – джюрекге.
Атлыны ашхысы, ат тизгининден билинир
Эте билген, этген этеди, эте билмеген, юретген этеди!
Болджал ишни бёрю ашар.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ашхы сёз таш тешер.
Ойнай билмеген, уруб къачар.
Азыкъ аз болса, эртде орун сал.
Аякъларынгы джууургъанынга кёре узат.
Чомартны къолун джокълукъ байлар.
Кюл тюбюндеги от кёрюнмейди.
Бек анасы джыламаз.
Адебни адебсизден юрен.
Къыз чыгъаргъан – къызыл къымжа.
Джерни букъусу кёкге къонмаз.
Зарда марда джокъ.
Къазанда болса, чолпугъа чыгъар.
Къонакъны къачан кетерин сорма, къачан келлигин сор.
Бети – къучакълар, джюреги – бычакълар.
Чабакъгъа акъыл, табагъа тюшсе келеди.
Ётюрюкню башын керти кесер.
Джырчы джырчыгъа – къарнаш.
Ач келгенни – тойдур, кеч келгенни – къондур.
Адамны адамлыгъы къыйынлыкъда айгъакъланады.
Суу да къайтады чыкъгъан джерине.
Ариуну – ауруу кёб.
Керилген да, ургъан кибикди.
Накъырданы арты керти болур.
Гырджын – тепсини тамадасы.
Элиб деген, элге болушур.
Эм ашхы къайын ана мамукъ бла башынгы тешер.
Иги – алгъыш этер, аман – къаргъыш этер.
Уллу сёзде уят джокъ.
Кёл ашады да, кеси ашады.
Къатын байлыкъны сюер, эр саулукъну сюер.
Тилсиз миллет джокъ болур.
Аллахдан тилесенг, кёб тиле.
Эркиши – от, тиширыу – суу.
