Аман къатын сабий табса, бий болур…
Ёгюзню мюйюзюнден тутадыла, адамны сёзюнден тутадыла.
Тил бла келеди джыр да.
Арба аугъандан сора, джол кёргюзтюучю кёб болур.
Джахил болса анасы, не билликди баласы?
Къоркъакъны кёзю экили кёрюр.
Биреуню тёрюнден, кесинги эшик артынг игиди.
Акъыллы айтыр эди, акъылсыз къоймайды.
Телиге от эт десенг, юйюнге от салыр.
Тюзню ётмеги тюзде къалса да, тас болмаз.
Адам туугъан джеринде, ит тойгъан джеринде.
Ашыкъгъан cуу, тенгизге джетмез.
Ёзденликни джайгъан – джокълукъ.
Джаным-тиним – окъуу, билим.
Суу ичген шауданынга тюкюрме.
Ач отунчуну ачыуу – бурнунда.
Тёзгеннге, джабылгъан эшик ачылыр.
Кийимни бир кюнню аясанг, минг кюннге джарар.
Аманнга игилик этсенг, юйюнге сау бармазса.
Нарт сёз къарт болмаз.
Чалманны аллы къалай башланса, арты да алай барады.
Ёнгкюч къууана барыр, джылай келир.
Къыз тиширыу кеси юйюнде да къонакъды.
Кёзю сокъурдан – къоркъма, кёлю сокъурдан – къоркъ.
Аз сёлешген, къайгъысыз турур.
Ёлген эшек бёрюден къоркъмайды.
Эркишини аманы тиширыуну джылатыр.
Эли джокъну – кёлю джокъ.
Минг тенг да азды, бир джау да кёбдю.
Билим насыб берир, билим джолну керир.
Айтханы чапыракъдан ётмеген.
Ариу сёзде ауруу джокъ.
Къайгъы тюбю – тенгиз.
Эм уллу байлыкъ – джан саулукъ.
Тойну къарнашы – харс, джырны къарнашы – эжиу.
Ичимден чыкъды хата, къайры барайым сата?
Джауумдан сора, кюн кюйдюрюр, ётюрюкден сора, айыб кюйдюрюр.
Кёб къычыргъандан – къоркъма, тынч олтургъандан – къоркъ.
Эки къатын алгъанны къулагъы тынгнгаймаз.
Тилде сюек болмаса да, сюек сындырыр.
Тели турса – той бузар.
Чомарт джарлы болмаз.
Кимни – тили, тиши онглу, кимни – къолу, иши онглу.
Джангызны оту джарыкъ джанмаз!
Ат да турмайды бир териде.
Эки элинги тыйсанг, джети элде махталырса.
Керилген да, ургъан кибикди.
Сабий болмагъан джерде, мёлек болмаз.
Кёб ант этген, кёб ётюрюк айтыр.
Гырджын – тепсини тамадасы.
