Айтылгъан сёз ызына къайтмаз.
Къонакъны къачан кетерин сорма, къачан келлигин сор.
Булут кёкге джарашыу, уят бетге джарашыу.
Окъугъанны бети джарыкъ.
Джигер – джаннга къыйынлыкъ.
Чыкълы кюнде чыкъмагъан, чыкъса къуру кирмеген.
Къарны аманнга къазан такъдырма, къолу аманнга от джакъдырма.
Тёгюлген тюгел джыйылмайды.
Къарт айтханны этмеген, къартаймаз.
Джарлы джети элни сёзюн этер.
Юйлю уругъа ит чабмаз.
Джюрек кёзден алгъа кёрюр.
Билмегенинги, билгеннге сор.
Эте билген, этген этеди, эте билмеген, юретген этеди!
Тюкюрюк баш джармаз, налат кёз чыгъармаз!
Хоншуну тауугъу къаз кёрюнюр, келини къыз кёрюнюр.
Тил – миллетни джаны.
Чалманны аллы къалай башланса, арты да алай барады.
Къралынгы – душмандан, башынгы от бла суудан сакъла.
Дууулдаса – бал чибин, къонса – къара чибин.
Тин – байлыгъынг, терен саулугъунг.
Адам къыйынлыгъын кёлтюрюр, зауукълугъун кёлтюрмез.
Келинин тута билмеген, къул этер, къызын тута билмеген, тул этер.
Къумурсхала джыйылсала, пилни да джыгъадыла.
Акъыл аздырмаз, билим тоздурмаз.
Айныгъанлы алты кюн, тогъайгъанлы тогъуз кюн.
Элге къуллукъ этмеген, элге ие болмаз.
Адамны сабийин сюйген джюреги, бычакъча, джитиди.
Байлыкъ болгъан джерде, тынчлыкъ джокъду.
Тёрдеги кюлсе, эшикдеги ышарыр.
Аш кетер да бет къалыр.
Ариу сёз джыланны орнундан чыгъарыр.
Иги – алгъыш этер, аман – къаргъыш этер.
Адам сёзге тынгыла, акъыл сёзню ангыла.
Башда акъыл болмаса, эки аякъгъа кюч джетер.
Окъугъан – асыу, окъумагъан – джарсыу.
Хансыз джомакъ болмаз.
Джуртун къоругъан озар.
Джашда акъыл джокъ, къартда къарыу джокъ.
Арбаз къынгырды да, ийнек сауалмайма.
Къошда джокъгъа – юлюш джокъ.
Ач, тоймам, дейди, тойгъан, ач болмам, дейди.
Джумушакъ терекни къурт ашар.
Иги адам абынса да, джангылмаз.
Накъырданы арты керти болур.
Мени джылытмагъан кюн, меннге тиймесин!
Ёлген аслан – сау чычхан.
Экиндини кеч къылсанг, чабыб джетер ашхам.
Урама да – ёледи, сатама да – келеди.
Кийимни бир кюнню аясанг, минг кюннге джарар.
