Джауумдан сора, кюн кюйдюрюр, ётюрюкден сора, айыб кюйдюрюр.
Ашхы болсанг, атынг чыгъар, аман болсанг, джанынг чыгъар.
Дженгил джетерикме деб, узун джолну къоюб, къысхасын барма.
Къар – келтирди, суу – элтди.
Орну джокъну – сыйы джокъ.
Итли къонакъ джарашмаз.
Сормай – алма, чакъырылмай – барма.
Акъыллы айтыр эди, акъылсыз къоймайды.
Чомартха хар кюн да байрамды.
Этни бети бла шорпасы.
Мадар болса, къадар болур.
Джангыз торгъай джырламаз.
Эрни эр этерик да, къара джер этерик да, тиширыуду.
Этек чакъмакълары баш джаргъан, сёлешген сёзлери таш джаргъан.
Джарлыны тону джаз битер.
Мал тутхан – май джалар.
Ашда – бёрю, ишде – ёлю.
Ач уят къоймаз.
Бастасын ашагъан, хантусун да ичер.
Тойгъан джерден туугъан джер игиди.
Кесинге джетмегенни, кёб сёлешме.
Кюлме джашха – келир башха.
Бюгюн дуния кибик, тамбла ахыратды.
Эл ауузу – элия.
От кюйдюрген, сау болса да, тот кюйдюрген, сау болмаз.
Тилчиден кери бол.
Джарашыу сюйген – джалынчакъ.
Таула не мийик болсала да, аууш табылыр.
Азыкълы ат арымаз, къатыны аман джарымаз.
Эл элде бирер малынг болгъандан эсе, бирер тенгинг болсун.
Тура эдим джата, къайдан чыкъды хата?
Ётюрюкчюню шагъаты – къатында.
Ач отунчуну ачыуу – бурнунда.
Керек ташны ауурлугъу джокъ.
Шайтан алдады, тюзлюк къаргъады.
Кёзю сокъурдан – къоркъма, кёлю сокъурдан – къоркъ.
Эр сокъур болсун, къатын тилсиз болсун.
Къонакъны къачан кетерин сорма, къачан келлигин сор.
Къонакъ аз олтурур, кёб сынар.
Телиге акъыл салгъандан эсе, ёлгеннге джан салырса.
Чыкълы кюнде чыкъмагъан, чыкъса къуру кирмеген.
Аджал соруб келмез, келсе, къайтыб кетмез.
Юйлю уругъа ит чабмаз.
Биреуню эскиси биреуге джангы болмайды.
Кёзню ачылгъаны – иги, ауузну джабылгъаны – иги.
Намысы болмагъанны, сыйы болмаз.
Акъыллы башны – тили къысха.
Иги бла джюрюсенг, джетерсе муратынга, аман бла джюрюсенг, къалырса уятха.
Ётюрюкню башын керти кесер.
Эки итни арасына сюек атма, эки адамны арасында сёз чыгъарма.
