Ата Джуртча джер болмаз, туугъан элча эл болмаз.
Алма терегинден кери кетмез.
Байлыкъ келсе, акъыл кетер.
Ишге юренсин къоллары, халкъ бла болсун джоллары.
Сагъыш – къартлыкъгъа сюйюмчю.
Тик ёргени, тик энгишгеси да болады.
Тура эдим джата, къайдан чыкъды хата?
Джюрекден джюрекге джол барды.
Уллу сёлешме да, уллу къаб.
Аллахдан тилесенг, кёб тиле.
Джырчы джырчыгъа – къарнаш.
Биреуге кёлтюрген таягъынг, кесинги башынга урур.
Этни да ашады, бетни да ашады.
Ариу сёз аурууунгу алыр.
Иши джокъну, сыйы джокъ.
Эринчекге кюн узун.
Адам туугъан джеринде, ит тойгъан джеринде.
Къарнынг ауруса, ауузунгу тый
Арпа, будай – ащды, алтын, кюмюш а – ташды.
Ач – эснер, ат – кишнер.
Къарнынг къанлынга кийирир.
Тойгъа барсанг, тоюб бар, эски тонунгу къоюб бар.
Рысхы – насыбха къор.
Айранны сюйген, ийнек тутар.
Чёбню кёлтюрсенг, тюбюнден сёз чыгъар.
Кёкдеги болмаса, джердегин кёрмейди.
Киштикге къанат битсе, чыпчыкъ къалмаз эди.
Аманнга да, игиге да оноусуз къатышма.
Таш бла ургъанны, аш бла ур.
Кёлю джокъну – джолу джокъ.
Бёрю да ач къалмасын, эчки да ашалмасын.
Тау башында, тау болмаз, джангыз терек, бау болмаз.
Таукел тауну аудурур.
Нарт сёз къарт болмаз.
Эрине къаргъыш этген къатын, эрнин къабар.
«Ёгюз, джаргъа джууукъ барма, меннге джюк боллукъса», - дегенди эшек.
Къонакъ болсанг, ийнакъ бол.
Тенгни тенглиги джашай барсанг билинир.
Элни кючю – эмеген.
Экеулен сёлеше тура эселе, орталарына барыб кирме.
Аууздан келген, къолдан келсе, ким да патчах болур эди.
Арба аугъандан сора, джол кёргюзтюучю кёб болур.
Шекер бла туз – бир болмаз, ушамагъан – юй болмаз.
Иги джашны ышаны – аз сёлешиб, кёб тынгылар.
Башы ишлегенни, ауузу да ишлер.
Чабакъсыз кёлге къармакъ салгъанлыкъгъа, чабакъ тутмазса.
Къатын къылыкъсыз, эр тынчлыкъсыз.
Сёз къанатсыз учар.
Къайгъыны сюйген, къайгъы табар.
Уллу суу бла уллу ауруудан башынгы сакъла.
