- Аманны тукъумуна къарама, игини тукъумун сорма.
- Къарнынг бла ёч алма.
- Тау башында, тау болмаз, джангыз терек, бау болмаз.
- Аманны эки битли тону болур, бирин сеннге кийдирир, бирин кеси киер.
- Тойну къарнашы – харс, джырны къарнашы – эжиу.
- Ёксюзню къалачы уллу кёрюнюр.
- Ёгюзню мюйюзюнден тутадыла, адамны сёзюнден тутадыла.
- Къыз чыгъаргъан – къызыл къымжа.
- Тойгъан джерден туугъан джер игиди.
- Биреуге аманлыкъ этиб, кесинге игилик табмазса.
- Аллахдан тилесенг, кёб тиле.
- Алтыда кюлмеген, алтмышда кюлмез.
- Таула не мийик болсала да, аууш табылыр.
- Ана – юйню кюн джарыгъы.
- Нафысынгы айтханын этме, намысынгы айтханын эт.
- Нарт сёз – тилни бети.
- Ач – эснер, ат – кишнер.
- Джан саулукъ бермей, сан саулукъ бермезсе.
- Рысхы джалгъанды: келген да этер, кетген да этер.
- Джолда аягъынга сакъ бол, ушакъда тилинге сакъ бол.
- Ашлыкъны арба юйге келтирир, чана базаргъа элтир.
- «Ма», - дегенни билмесенг, «бер», - дегенни билмезсе.
- Айтханы чапыракъдан ётмеген.
- Адеб базарда сатылмаз.
- Бети бедерден, намыс сакълама.
- Мураты болгъанны джюрек тебюую башхады.
- Кёз – сюйген джерде, къол – ауругъан джерде.
- Джол бла сёзню къыйыры джокъ.
- Джолунга кёре – джюрюшюнг, джагъанга кёре – юлюшюнг.
- Айтылгъан сёз ызына къайтмаз.
- Тюзлюк тас болмайды.
- Борчунг бар эсе, хурджунунга ойлаб узал.
- Эки къатын алгъан – эки ташны ортасына башын салгъан.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Юреннген ауруу къалмаз.
- Ётюрюкню башын керти кесер.
- Джарлыны эшигин махтагъан джабар.
- Къалгъан ишге къар джауар.
- Билмезни кёзю кёрмез, этмезни къулагъы эшитмез.
- Чакъырылмагъан къонакъ къачан кетерин сормаз.
- Джашда акъыл джокъ, къартда къарыу джокъ.
- Къонакъ аман болса, къонакъбай джунчур
- Аманнга да, игиге да оноусуз къатышма.
- Адамгъа аман кюн соруб келмейди.
- Агъач – джерни чырайы, кийим – эрни чырайы.
- Шапа кёб болса, аш татымсыз болур.
- Тиширыусуз юй – отсуз от джагъа.
- Таукелге нюр джауар.
- Байлыкъдан саулукъ ашхыды.
- Аман хансны – урлугъу кёб.
Къарачай-малкъар проза!
20.02.2008 23:04:23
Девушка Гор
Къуру ?Къара кюбюрню? окъугъанлада ангыларыкъдыла аны. Барысын да окъугъан мы этгенсиз? |
|
|
|
20.02.2008 23:07:49
пуФистая
Кюрешгенме. Сен да окъусанг иги боллукъ эди. Сюйсенг китабланы берликме. |
|
|
|
20.02.2008 23:10:52
Махмуд
къарачайча ол сез къалай болады? Бизни тилибизде "чыгъарма" дей болурламы? |
|
|
|
20.02.2008 23:17:41
Тюзюн айтыргъа мен къарачай прозада чам, кюлкю, оюн хапарлагъа бек тырмашама! Къарачайны чамына джетген джокъду!
|
|
|
|
20.02.2008 23:21:14
Мен да окъугъанма бу чыгъармаланы. А сиз "Биринчи сюймекликни" окъугъанмысыз? Ол да къарачай литературада биринчи детектив жанрда джазылгъанды. Бек аламат китабды
|
|
|
|
20.02.2008 23:34:36
SOFIKOSHKA
Ол китабынг сенде бар эсес, менге да берсенг а Аны не сёзю барды? Къайры келтирейим ансын? |
|
|
|
20.02.2008 23:34:55
SOFIKOSHKA
Китабны излейим да (къайда болгъанын билмейме , тамбла джазарма Ходжаны юсюнден хапарчыкъла! |
|
|
|
20.02.2008 23:37:23
Махмуд
да блайда къуру Ходжаны хапарыды алайсызда |
|
|
|
20.02.2008 23:37:49
къара
да блайда къуру Ходжаны хапарыды алайсызда былайда дегенинг? |
|
|
|
20.02.2008 23:41:02
Махмуд
Ходжаны бир хапарын айтаим биреу: Ходжа хычынла алыб барадыла!!! Ходжа: а менге андан не??? биреу: да сенге алыб барадыла!?!? Ходжа: а сенге уа андан не??? |
|
|
|
20.02.2008 23:43:16
къара
Энтда джаз! |
|
|
|
20.02.2008 23:46:25
SOFIKOSHKA
Биреу сорады Ходжагъа: о бир дунияда къалайды дейсе игимиди???? Ходжа :игитда игиди???кишини къайтыб кёргенмисе???? аман болса мы турлукмедиле |
|
|
|
20.02.2008 23:46:47
SOFIKOSHKA
Тамблагъа эсиме ким жазгъанын, къысха магъанасын тюшюралсам, айтырма. Аллай ариу, тап чыгъармады! Бек сакълаб турлукъма! Сау бол къошулгъанынга! |
|
|
|
21.02.2008 00:04:28
Акъ_Беленькая
Аперим! |
||||
|
|
|||
Читают тему (гостей: 1)