Навигация

Elbrusoid.org

Словарь

Билими азны – ауузунда кирит.
Келлик заман – къартлыкъ келтирир, кетген заман – джашлыкъ ёлтюрюр.
Къобан да къуру да къобханлай турмайды, адам да къуру да патчахлай турмайды.
Къонакъ кёб келюучю юйню, къазаны отдан тюшмез.
Сёлеш деб шай берген, тохта деб, сом берген.
Къозулугъунда тоймагъан, къойлугъунда тоймаз.
Эли джокъну – кёлю джокъ.
Шайтан алдады, тюзлюк къаргъады.
Ашына кёре табагъы, балына кёре къалагъы.
Джашны джигитлиги сорулур, къызны джигерлиги сорулур.
Бермеген къол, алмайды.
Тамбла алтындан бюгюн багъыр ашхы.
Бал чибинни ургъаны – ачы, балы – татлы.
Кимни – тили, тиши онглу, кимни – къолу, иши онглу.
Къолу уллу – асыу, аягъы уллу – джарсыу.
Эшекге миннген – биринчи айыб, андан джыгъылгъан – экинчи айыб.
Ургъан суудан башынгы сакъла.
Кёбден умут этиб, аздан къуру къалма.
Сабийни джумушха джибер да, ызындан бар.
Накъырда – кертини келечиси.
Аман адам элни бир-бирине джау этер.
Тюз сёз баргъан сууну тыяр.
Джахил болса анасы, не билликди баласы?
Иги адамны бир сёзю эки болмаз.
Джетген къыз джерли эшекни танымаз.
Ач къарным, тынч къулагъым.
Иги сеники эсе да, сюйген кесимикин этеме.
Борчунг бар эсе, хурджунунга ойлаб узал.
Термилгенинги табмазса, кюлгенинге тюберсе.
Артына баргъанны, къатына барма.
Уллу сёлешме да, уллу къаб.
Джумушакъ терекни къурт ашар.
Хунаны тюбюн къазсанг, юсюнге ауар.
Аш иеси бла татлыды.
Бал – татлы, балдан да бала – татлы.
Кёбге таш атма.
Суу да къайтады чыкъгъан джерине.
Урунуу – насыбны анасы.
Ачыкъ джюрекге джол – ачыкъ.
Къатын байлыкъны сюер, эр саулукъну сюер.
Тынгылагъан тынгы бузар.
Тойгъан антын унутур.
Асхат ашлыкъ сата, юйдегиси ачдан къата.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кёб ант этген, кёб ётюрюк айтыр.
Тели турса – той бузар.
Къолунгдан къуймакъ ашатсанг да, атаны борчундан къутулмазса.
Билимден уллу байлыкъ джокъду.
Телиге от эт десенг, юйюнге от салыр.
Керилген да, ургъан кибикди.