Навигация

Elbrusoid.org

Словарь

Кесинг сынамагъан затны, адамгъа буюрма.
Гугурук къычырмаса да, тангны атары къалмаз.
Рысхы – насыбха къор.
Таугъа чыгъаллыкъ эсенг, тюзде къалма.
Башынга джетмегенни сорма.
Иги – алгъыш этер, аман – къаргъыш этер.
Къолунгдан къуймакъ ашатсанг да, атаны борчундан къутулмазса.
Аманны тукъумуна къарама, игини тукъумун сорма.
Экиндини кеч къылсанг, чабыб джетер ашхам.
Къазанны башы ачыкъ болса, итге уят керекди.
Джумушакъ сёз къаты таякъны сындырыр.
Халкъгъа джарагъан, джарлы къалмаз.
Ачлыкъ отха секиртир.
Уясында не кёрсе, учханында аны этер.
Термилгенинги табмазса, кюлгенинге тюберсе.
Кёкдеги болмаса, джердегин кёрмейди.
Аш хазыр болса, иш харам болур.
Сёлеш деб шай берген, тохта деб, сом берген.
Агъач халкъгъа алтынды, иссиликге салкъынды.
Накъырда – кертини келечиси.
Окъугъанны бети джарыкъ.
Юй кюйдю да, кюйюз чыкъды, ортасындан тюйюш чыкъды.
Атадан ёксюз – бир ёксюз, анадан ёксюз – эки ёксюз.
Ата Джуртун танымагъан, атасын да танымаз.
Этим кетсе да, сюегим къалыр.
Къозулугъунда тоймагъан, къойлугъунда тоймаз.
Оюмсуз атлагъан, аджалсыз ёлюр.
Чоюнну башы ачыкъ болса, итге уят керекди.
Сабийликде юретмесенг, уллу болса – тюзелмез.
Ана – юйню кюн джарыгъы.
Адамны джюреги нени кёрюрге сюйсе, кёзю да аны кёрюрге ёч болады.
Джаш къарыу бла кючлю, къарт акъыл бла кючлю.
Иги джашны ышаны – аз сёлешиб, кёб тынгылар.
Кесине оноу эте билмеген, халкъына да эте билмез.
Танг атмайма десе да, кюн къоярыкъ тюйюлдю.
Джолунга кёре – джюрюшюнг, джагъанга кёре – юлюшюнг.
Орундукъ тюбюнде атылсам да, орта джиликме, де да айлан.
Чомарт джарлы болмаз.
Джарлы джети элни сёзюн этер.
Хунаны тюбюн къазсанг, юсюнге ауар.
Адам сёзюнден белгили.
Аш берме да, къаш бер.
Борчунг бар эсе, хурджунунга ойлаб узал.
Ишни аллы бла къууанма да, арты бла къууан.
Бал чибинни ургъаны – ачы, балы – татлы.
Тил – миллетни джаны.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сакъалы текени да бар, мыйыгъы киштикни да бар.
Ариу сёз джыланны орнундан чыгъарыр.
Бёрю да ач къалмасын, эчки да ашалмасын.