Навигация

Elbrusoid.org

Словарь

Аз сёлешген, къайгъысыз турур.
Къонагъынгы артмагъын алма да, алгъышын ал.
Хар ишни да аллы къыйынды.
Ариу сёз – къылычдан джити.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Баланы адам этген анады.
Тыш элде солтан болгъандан эсе, кесинги элде олтан болгъан игиди!
Насыблыны баласы кюн кюнден да баш болур, насыбсызны баласы, кюн кюнден да джаш болур.
Тойгъан антын унутур.
Сормай – алма, чакъырылмай – барма.
Акъыл бла адеб эгизледиле.
Бет бетге къараса, бет да джерге къарар.
Керти сёзге тёре джокъ.
Эшекге миннген – биринчи айыб, андан джыгъылгъан – экинчи айыб.
Аманнга игилик этсенг, юйюнге сау бармазса.
Къонакъны къачан кетерин сорма, къачан келлигин сор.
Эшекни не къадар тюйсенг да, ат болмаз.
Адамны аты башхача, акъылы да башхады.
Кёз – сюйген джерде, къол – ауругъан джерде.
Эринчекге кюн узун.
Дуния аламаты сен эсенг да, игиме деб айтма.
Баргъанынга кёре болур келгенинг.
Ётюрюкню къуйругъу – бир тутум.
Къуру гыбыт бек дыгъырдар.
Аурууну келиую тынч, кетиую – къыйын.
Аманны эки битли тону болур, бирин сеннге кийдирир, бирин кеси киер.
Биреуге кёлтюрген таягъынг, кесинги башынга урур.
Юй ишлеген балта эшикде къалыр.
Кёкдеги болмаса, джердегин кёрмейди.
Тойгъан джерден туугъан джер игиди.
Къайтырыкъ эшигинги, къаты уруб чыкъма.
Миллетни бойну – базыкъ, аны бла кюрешген – джазыкъ.
Джылкъыдан – ат чыгъар, тукъумдан – джаш чыгъар.
Иги – алгъыш этер, аман – къаргъыш этер.
Аллахха ийнаннган кишини, Аллах онгдурур ишин.
Джыгъылгъанны сырты джерден тоймаз.
Мени джылытмагъан кюн, меннге тиймесин!
Чёбню кёлтюрсенг, тюбюнден сёз чыгъар.
Адам къаллай бир ишленмесе, аллай бир кесин уллу кёреди.
Гугурук къычырмаса да, тангны атары къалмаз.
Рысхы – насыбха къор.
Акъыл къартда, джашда тюйюлдю – башдады.
Эте билген, этген этеди, эте билмеген, юретген этеди!
Азыгъы аз, алгъа къабар, аты аман, алгъа чабар.
Къызны минг тилер, бир алыр.
Джаш болсун, къыз болсун, акъылы, саны тюз болсун.
Башланнган иш битер, къымылдагъан тиш тюшер.
Къарны аманнга къазан такъдырма, къолу аманнга от джакъдырма.
Джарлы эскисин джамаса, къууаныр.
Минг тенг да азды, бир джау да кёбдю.