- Ашхылыкъ джерде джатмайды, аманлыкъ суугъа батмайды.
- Ач – эснер, ат – кишнер.
- Ишлерге уял да, ашаргъа табма.
- Акъыл сабырлыкъ берир.
- Биреуге кёлтюрген таягъынг, кесинги башынга урур.
- Рысхысына кёре, джаш ёсер, къышлыгъына кёре, мал ёсер.
- Сютню башын джалагъан къутулур, тюбюн ичген тутулур.
- Адам туугъан джеринде, ит тойгъан джеринде.
- Адебни адебсизден юрен.
- Зарда марда джокъ.
- Ат басханны джер билед.
- Кёзюнде тереги болгъан, чёбю болгъаннга кюле эди.
- Чарсда алчыны эл кёреди.
- Чыбыкълыкъда бюгюлмеген, къазыкълыкъда бюгюлмей эди.
- Керилген да, ургъан кибикди.
- Шапа кёб болса, аш татымсыз болур.
- Рысхы джалгъанды: келген да этер, кетген да этер.
- Мени джылытмагъан кюн, меннге тиймесин!
- Ёпкелегенни ашы татлы болады.
- Баргъанынга кёре болур келгенинг.
- Джашны джигитлиги сорулур, къызны джигерлиги сорулур.
- Адамны бетине къарама, адетине къара.
- Ишлемеген – тишлемез.
- Ауурну тюбю бла, дженгилни башы бла джюрюген.
- Сормай – алма, чакъырылмай – барма.
- Чомарт къолда мал къалмаз.
- Гугук кесини атын айтыб къычыргъанча, мен, мен деб нек тураса?
- Тойгъан антын унутур.
- Ата Джуртча джер болмаз, туугъан элча эл болмаз.
- Джетген къыз джерли эшекни танымаз.
- Эртде тургъан бла эртде юйленнген сокъуранмаз.
- Къолу уллу – асыу, аягъы уллу – джарсыу.
- Джырчы джырчыгъа – къарнаш.
- Бети бедерден, намыс сакълама.
- Ойнай билмеген, уруб къачар.
- Аууз сакълагъан – джан сакълар.
- Аш кетер да бет къалыр.
- Ашхы сёз таш тешер.
- Ашатыргъа иш – ашхы, ишлетирге аш – ашхы.
- Юре билмеген ит, къонакъ келтирир.
- Эркишиге тары кебек танг кёрюнюр.
- Акъыл аздырмаз, билим тоздурмаз.
- Кёб джат да, бек чаб.
- Бал чибинни ургъаны – ачы, балы – татлы.
- Эки итни арасына сюек атма, эки адамны арасында сёз чыгъарма.
- Келинни – келгинчи, бёркню кийгинчи кёр.
- Къайгъы тюбю – тенгиз.
- Аман къатын сабий табса, бий болур…
- Чомарт джарлы болмаз.
- Акъыллы айтыр эди, акъылсыз къоймайды.
Назму жазгъан жаш адамлагъа билдиригиз!!! АДАБИЯТ ЭРИШИУ / ЛИТЕРАТУРНЫЙ КОНКУРС., 1-чи,2-чи, 3-чю жерге чыгъаргъа сюемисе? Бу теманы окъу...)))
06.01.2016 19:58:00
Юйгюзге да игилик, сыйлы окъуучула эм да Эльбачыла!
Сиз билгенден, талай жылны ичинде Жырчы Сымаил бла Мёчюланы Кязим атлы адабият эришиу ётюп тургъанды, жарсыугъа, быйыл ол тёре къуралалмады. Болса да, андан уллу къыйынлыкъдан миллетибизни Уллу Аллах сакъласын! Мен адабият бла, энчи уа назмучулукъ бла байламлы "Биринчи атламла " деген ат бла бериуле эте турама, хапарлы болгъаныгъызча, жазгъан адамла аздан - аз... Ол а не ючюндю? Мени оюмума кёре, адам талай зат ючюн жазаргъа болады шёндю: 1. Къагъытха кёлюндегин, жюрегиндегин тюшюрмесе, тынчаялмайды. - Ол меничала болур))). 2. Жаза башлайым да, юйюме бир хайыр да тюшюрюрме. 3. Миллетге назмучула керекдиле, назму болмагъан адабият - сюймекликсиз да болур, ол а - таза сезимди, жашауну татыулу да, бай да, сейир да этген, айнытхан! Къысхасы! Башында айтылгъан эришиуге къатышып, лауреатла болгъанла: Къушджетерланы Айшат, Газаланы Амина, Жабелланы Лаура эм да мен - Апполаны-Рахайланы Диана жангы эришиу ётдюрюрге излейбиз! 1. 35 жылдан артыкъ болмагъан. 2. Назмулары бир жерде да басмаланмагъан. 3. Ана тилинде жазгъан. Мен орус тилде, ингилиз эм да башха тилде уста жазама деген бар эсе, таулу тилге кёчюрюрге кюрешсин, къолундан келгенича, аланы да къошабыз. Жюз тизгинден тёрт жюзге дери назмуларын бу темагъа салсынла, къысха хапар кеслерини юслеринден, суратлары. 20 мартха дери ишлери эришиуге алынадыла. 20 - чы мартдан 12 апрельге дери жюри ол намзуланы тинтирикди эм да биринчи, экинчи, ючюнчю жерлеге тийишли болгъанланы айырлыкъды. 1 жерге - 15 минг сом. 2 жерге - 10 минг сом. 3 жерге - 5 минг сом. Бу ёчлеге къошаргъа сюйген бар эсе, хош келсин! rahaevadiana@yandex.ru - мени почтамды, бери жазсын. Ёчге берилген ахчаны уа ким ёзденлик этгени эришиуню ахырында айтылыр! Алайды да, сакълайбыз! Бу ёчле ючюн окъуна эришмесегиз да, къарачай - малкъар адабиятны жарыкъ жаннган чырагъы ёчюлмесин, аны айыбы бизде болур деген оюмну тутуп, хайт дегиз!!!!!!!!! БУ ЭРИШИУНЮ ЮСЮ БЛА СОРУУЛАРЫ БОЛГЪАН "АКЪТАМАКЪ" ТЕМАДА СОРСУН, БЕРИ ЖАНГЫЗ НАЗМУЛА САЛЫНАДЫЛА.
Изменено:
"Къадарны этегинде...","Сени ючюн"...(с)
|
|
|
|
Ответы
12.04.2016 23:00:07
|
|||
|
|
12.04.2016 23:02:17
Муратым - тилибизни сакълау, джаш фахмуланы ёсдюрюудю. Аны уа - барыбыз да биргелей кюрешсек эталлыкъбыз джангыз. |
|||
|
|
12.04.2016 23:16:17
Алгъышлайма хорлагъанланы, артыкъсыз да Алибекни)) (танышым болгъаны ючюн)))
|
|||
|
|
12.04.2016 23:49:25
А какие стихотворения выиграли? Или все стихи авторов? |
|||
|
|
12.04.2016 23:54:49
Джарыкъ,
Оценивались все стихи автора, общее впечатление))
Если радость придет, радость прими
И не гордись, будь достоин ее. Если горе придет, губы сожми И не страшись, будь достоин его. К. Кулиев |
|
|
|
13.04.2016 16:09:30
А можно фамилию победителя и стихи еще раз и красными буквами)), чтобы легче было находить и читать)).
|
|
|
|
13.04.2016 16:51:01
У меня не получается, я с телефона( может девочки сделают.
Если радость придет, радость прими
И не гордись, будь достоин ее. Если горе придет, губы сожми И не страшись, будь достоин его. К. Кулиев |
|
|
|
13.04.2016 21:15:09
Ас–саляму алейкум барыгъызгъа да.))
Авторларыбыз, алгъышлайма! Аллах, Субханаху уа Таъаля, къууандырсын сизни. Фахмугъуз бла хакъгъа къуллукъ этер насып буюрулсун. Кесигиз да, неме, къайдасыз? Кёрюне турсагъыз, кесигизни танытсагъыз къарт студентни ыразылыгъын табарсыз.)) Кесибизни юсюбюзден: сюйгенибизча жетишип туралмадыкъ, айып этмегиз. Окъулмай къалгъан назму болмагъанды, барыгъызны да жазгъаныгъызны сюзерча тап тюшюб а турмады. 1/2/3 жерни алмадым деп, кёлсюзлюк этип, жазгъанын къоярыкъ чыкъмазды деп ийнанырыгъым келеди. Чыкъмаз, ин шаа Аллах. Жазгъан башына сый чакъырыр ючюн жазмайды. Сау болугъуз барыгъыз да. «Акътамакъгъа» хош келигиз! |
|
|
|
13.04.2016 21:33:59
Аиша, иги эсинге тюшген эди ол система))) Путём переговоров вряд ли что–нибудь решили бы. И в этом тоже была своя прелесть.)
Изменено: |
|||
|
|
20.04.2016 14:47:10
Бу хорлагъан къауумну саугъаларын бергенмисиз, бермеген эсегиз къачан, къалай эм къайда берликсиз?)) Ара шахар табалада болса мен да барыб, кёрюр эдим, артыкъсыз да биреуленни))
|
|
|
|
20.04.2016 15:37:21
Ас–саляму алейкум.
Ёчле иелерин тапхандыла. Бусагъатда эришиуню юсю бла жыйылыу къурар мадар жокъ эди. |
|
|
|
21.05.2018 18:59:08
Тылмач,, да жыйылыу бизни миллетге бир жангы юйюр къошарыкъ болса, къурарчады)))
"Къадарны этегинде...","Сени ючюн"...(с)
|
|
|
|
18.01.2020 19:18:00
Мой родной язык «ЛИТЕРАТУРНАЯ РОССИЯ» объявляет литературный конкурс ОРУС ТИЛДЕ ДЖАЗГЪАНЛА БЛА ТЫЛМАЧЛА! КЪОШУЛУГЪУЗ! ХОРЛАГЪЫЗ! АТЫБЫЗ АЙТЫЛСЫН! АНА ТИЛИБИЗ БОЛГЪАНЫ - КЪУУАНЧЫБЫЗ, ДЖАРСЫУУБУЗ ДА БИЛИНСИН! ФАХМУ КЮЧЮГЮЗНЮ ДА СЫНАГЪЫЗ! Друзья! Россия – страна, в которой насчитывается более сотни различных, красивых и самобытных языков. Каждый – уникален и заключает в себе, как в магическом кристалле, сердцевинную суть культуры того или иного народа. «Литературная Россия» при участии Союза писателей России и Института языкознания Российской академии наук открывают конкурс «Мой родной язык». Мы уверены, что среди наших читателей найдётся немало тех, кому есть что сказать о красоте своего родного языка, о его насущных проблемах, о великих людях, создавших литературные шедевры на национальном языке, а может, наоборот, показать речь простого народа, судьбу «маленького человека» сквозь призму языка. Мы никак не ограничиваем вашу творческую фантазию. Пишите в любом ракурсе и в любой форме. Это может быть рассказ, очерк, стихотворение и т.д. Главное условие – ваш материал должен интересно и ярко рассказать читающей России о вашем родном языке. Как это будет сделано – решать только вам! Лучшие материалы будут публиковаться на страницах газеты. Свои произведения присылайте с пометкой «На конкурс «Мой родной язык» на нашу электронную почту litrossia@litrossia.ru или по адресу: 127051, Москва, Цветной бульвар, 32, стр. 3. Редакция газеты «Литературная Россия». Итоги будут подведены осенью 2020 года. |
|
|
|
20.01.2020 19:58:59
Sabr, ма шаа Аллах! Билал, Вы настоящий покровитель молодых талантов!))
Я самая классная на форуме))))))))))))))
|
|
|
|
20.01.2020 20:01:31
Что-то про Шаудан давно ничего не слышно. Диана и Айшат молодцы, радуют постоянно своими новыми произведениями. А Диана с телепередачами вообще выше всяческих похвал!
Аны айтханым. Молодежь, у Билала Лайпанова легкая рука)), если от него получите путевку, будете так же успешны)), пользуйтесь возможностью))
Я самая классная на форуме))))))))))))))
|
|
|
|
20.01.2020 23:03:14
Орусча джазаргъамы керекди ана тилни юсюнден? Бир кесек къатышдым)) |
|||||
|
|
21.01.2020 01:41:24
|
|
|
|
21.01.2020 13:15:47
Сэстренка, алай эсе, сагъыш этейик) Мен кёб юсюнде фэнтези-зат джазама, алай болгъанлыкъгъа, башханы да кёрюрге керекди.
|
|
|
|
10.02.2020 14:43:46
Амнюшка, джаздынгмы конкурсха¿)
Я самая классная на форуме))))))))))))))
|
||||
|
|
|||
Читают тему (гостей: 1)