- Эркиши – от, тиширыу – суу.
- Башсыз урчукъ тюзюне айланмаз.
- Кёб ант этген, кёб ётюрюк айтыр.
- Ашхы тенг джолгъа салыр, аман тенг джолдан тайдырыр.
- Аман къатын сабий табса, бий болур…
- Чарсда алчыны эл кёреди.
- Элге къуллукъ этмеген, элге ие болмаз.
- Ашын ашагъанынгы, башын да сыйла.
- Айныгъанлы алты кюн, тогъайгъанлы тогъуз кюн.
- Эшекни не къадар тюйсенг да, ат болмаз.
- Ат да турмайды бир териде.
- Таукел тауну аудурур.
- Уллу къазанда бишген эт, чий къалмаз.
- Aдам боллукъ, сыфатындан белгили.
- Юйлю уругъа ит чабмаз.
- Къайтырыкъ эшигинги, къаты уруб чыкъма.
- Болджал ишни бёрю ашар.
- Шайтан алдады, тюзлюк къаргъады.
- Бетинги сатма, малынгы сат.
- Тынгылагъан тынгы бузар.
- Олтуруб кёрюнмей эди да, ёрге туруб кёрюне эди.
- Джан саулукъ бермей, сан саулукъ бермезсе.
- Ётген ёмюр – акъгъан суу.
- Эшекге миннген – биринчи айыб, андан джыгъылгъан – экинчи айыб.
- Аз айтсам, кёб ангылагъыз.
- Байдан умут эте, джарлыдан ёгюз багъасы къорады.
- Ариу сёз – джаннга азыкъ, аман сёз – башха къазыкъ.
- Алтыда кюлмеген, алтмышда кюлмез.
- Ашыкъгъанны этеги бутуна чырмалыр.
- Ачыу алгъа келсе, акъыл артха къалады.
- Аз сёлеш, кёб ишле.
- Рысхы – насыбха къор.
- Ауругъан – джашаудан умутчу.
- Окъугъанны бети джарыкъ.
- Айран ичген – къутулду, джугъусун джалагъан – тутулду.
- Эли джокъну – кёлю джокъ.
- Кийимни бичсенг, кенг бич, тар этген къыйын тюлдю.
- Къызны минг тилер, бир алыр.
- Экеу тутушса, биреу джыгъылыр.
- Ётюрюкден тюбю джокъ, кёлтюрюрге джиби джокъ.
- Аман киши кеси юйюнде – къонакъ.
- Чалманны аллы къалай башланса, арты да алай барады.
- Бёрю да ач къалмасын, эчки да ашалмасын.
- Уллу айтханны этмеген – уллаймаз.
- Айыбны суу бла джууалмазса.
- Босагъагъа джууукъ орун болса, ашыгъыб тёрге озма.
- Башы ишлегенни, ауузу да ишлер.
- Зарда марда джокъ.
- Аш иеси бла татлыды.
- Чакъырылмагъан джерге барма, чакъырылгъан джерден къалма.
Профиль
|
Къара чачлы
 Эльбрусоид
Cообщений: 1750
Баллов: 1400
Регистрация: 29.02.2012
Последний визит: 12.10.2018 18:59:30
|
|
||||||||
|
|
|
||||||||