- Нафысынгы айтханын этме, намысынгы айтханын эт.
- Джол бла сёзню къыйыры джокъ.
- Джигер – джаннга къыйынлыкъ.
- Ашын ашагъанынгы, башын да сыйла.
- Адеб джокъда, намыс джокъ.
- Айтхан сёзюне табылгъан.
- Къар – келтирди, суу – элтди.
- Эринчекни эр алмаз, эр алса да, кёл салмаз, кёл салса да, кёб бармаз!
- Джаш болсун, къыз болсун, акъылы, саны тюз болсун.
- Кимни – тили, тиши онглу, кимни – къолу, иши онглу.
- Чабакъгъа акъыл, табагъа тюшсе келеди.
- Акъылсызны джууукъгъа алма, акъыллыны кенгнге салма.
- Аджашханны ызындагъы кёреди, джангылгъанны джанындагъы биледи.
- Эте билген, этген этеди, эте билмеген, юретген этеди!
- Чабар ат – джетген къыз.
- Хаухну атма, ёнгкючню сатма.
- Арбаз къынгырды да, ийнек сауалмайма.
- Ишни аллы бла къууанма да, арты бла къууан.
- Джангызны оту джарыкъ джанмаз!
- Элде адам къалмаса, ит тахтагъа минер.
- Тёрдеги кюлсе, эшикдеги ышарыр.
- Суу ичген шауданынга тюкюрме.
- Эл ауузу – элия.
- Сыфатында болмагъаны, суратында болмаз.
- Акъыллы – эл иеси, тели – эл баласы.
- Адебсиз адам – джюгенсиз ат.
- Ашда – бёрю, ишде – ёлю.
- Аш кетер да бет къалыр.
- Хар зат кесини орнуна иги.
- Байлыкъдан саулукъ ашхыды.
- Джолунга кёре – джюрюшюнг, джагъанга кёре – юлюшюнг.
- Тойгъандан сора, ашны сёкме.
- Ишленмеклик адамлыкъды.
- Ёпкелегенни ашы татлы болады.
- Бойнуму джети джерден кессенг да, мен ол ишни этеллик тюлме.
- Тил джюрекге джол ишлейди.
- Таукел тауну аудурур.
- Биреуню эскиси биреуге джангы болмайды.
- Иги адамны бир сёзю эки болмаз.
- Миллетни бойну – базыкъ, аны бла кюрешген – джазыкъ.
- Джарашыу сюйген – джалынчакъ.
- Таукел къуру къалмаз.
- Къралынгы – душмандан, башынгы от бла суудан сакъла.
- Бозаны арты дауур болур.
- Тас болгъан бычакъны сабы – алтын.
- Аман эсирсе, юйюн ояр.
- Тынгылагъан тынгы бузар.
- Алим болгъандан эсе, адам болгъан къыйынды.
- Мал ёлсе, сюек къалыр, адам ёлсе, иши къалыр.
- Ким бла джюрюсенг, аны кёзю бла кёрюнюрсе.
Назму жазгъан жаш адамлагъа билдиригиз!!! АДАБИЯТ ЭРИШИУ / ЛИТЕРАТУРНЫЙ КОНКУРС., 1-чи,2-чи, 3-чю жерге чыгъаргъа сюемисе? Бу теманы окъу...)))
|
Къара чачлы, Аллах ыразы болсун))) Аперим къызлагъа. Миллетни тамбласыны сагъышын этесиз.
Изменено: - 07.01.2016 00:08:48
|
|
|
|
|
|
Sabr,Сау болугъуз. Бек къууандым эс буруп, назмуларымы окъуп, тинтгенигизге. Орус тилден кёчюрюрге да кюрешеме. Алай алыкъа чыгъарыргъа базынмайма.
|
|
|
|
|
Аны тышында. Кимни оноууду бу? СОюз писателей, джазыучула, литераторла оноугъа къошулгъанмыдыла? Ким боллукъду жюриде, ким айырлыкъды биринчи, экинчи, ючюнчю оруннга ким чыгъарын?
Я самая классная на форуме))))))))))))))
|
|||
|
|
|
Ангылагынмагьан затла тинтилсинле да, керексиз затланы модерлеге кетертирбиз мындан)))))))).
"Къадарны этегинде...","Сени ючюн"...(с)
|
|||
|
|
|
Ма аны себебли: назмула былайгъа салына барсынла, мен а аланы "Акътамакъ" темада сюзе барырма. Бу Конкурсну башлагъан джаш тёлюге мени болушлугъум да ол болсун. Алай а: хар бир назмуну тинтерге, сюзерге мени къолумдан келмез. Бу конкурсну къурагъан, бардыргъан къызла - авторланы назмуларын былайгъа салгъан бла къалмай, кеслерини оюмларын да айта барлыкъ болурла деб турама. Назму джазаргъа фахмулары джетгенлени, назмуланы сюзерге да фахмулары джетеригине ишек джокъду. |
|||||
|
|
|
|
Мен Рахайланы Кьонакьны кьызы Мадина 1996 жылда Хабаз элде туугьанма . Мени элим Аллах сюйюп айыргьан бир жерчикде орналгьанды . Аны себепли, мен эрттеден окьуна туугьан жериме атап, кьысха назмучукьла жазып башлагьан эдим . Хабазны орта школун бошап, бюгюнлюкде Кьабарты - Малкьарны Кьырал Университетинде Химия факультетинде окьуйма....
*** Эрттенликде, танг алада Кьоба келип кереме : Кюн таякьла ,тау башындан Элге " Салам " берелле . Балча татлы хауанга, Таудан саркьгьан сууунга, Сюйгеними айтама Туугьан жерим ,мен санга! Дуниямы магьанасы, Хар ташы ,хар кьаласы. Кез кьамата кюн чыракь Жерге тюшген чапыракь . Жомакьдача табийгьат Тегерекде нюр чагьад.... Шош желчикни макьамы Жюрегими жапсарад ... *** Ыразыма Аллах берген жашаугьа Жюрегимде муратымды саугьагьа ... Атам ,анам ,эгечим бла кьарындашым Жуукьларым эм тенглерим барысы ! Кьалай насыпды бу дунияда жаагьан ! Хар кюнюнгю магьана бла ашыргьан Болур затны игисине ийнаннган Жашауунгда тюз жолланы сайлагьан ! *** Эсимдеди ,жайда чууакь эрттенлик Жалан аякь ,айланнган кырдыклада , Шош аязчыкь чачымы эркелетип, Кюн таякьла бетими сылагьанда ... Жомакьдача керюне эди хар не Тау суучукь жырлагьанда манга жырла Ол макьамны жыйып жюрегиме Сакьларыкьма мен кесимде кеп жылла . Сезимлерим жете эдиле кекке Чыпыракьчыкь айтханында назмула Сюймеклигим жюрегимден тегюле Менден насыплы болмаз эди дунияда !!
"Къадарны этегинде...","Сени ючюн"...(с)
|
|
|
|
|
|
Доброго времени суток, друзья!
Этот конкурс своего рода эксперимент для нас всех. Не претендующий на громкие имена и регалии, но призванный привлечь внимание пишущей молодежи к родному языку. На просторах интернета (в социальных сетях и на литературных сайтах) можно встретить немало наших ребят, пишущих на русском языке. Я сама, до недавнего времени, не рисковала написать на своем родном языке и пары строк. И открыла его для себя благодаря конкурсу им. И. Семенова. Попробуйте, и вы увидите, насколько это интересно и приятно, писать на родном. Будем учиться вместе. Оцениваться будут стихи на карачаево-балкарском языке, но в качестве бонуса можете включить и свои стихи на русском. Будет интересно. Совместим приятное с полезным)))). Желаю всем участникам успеха, а читателям получить как можно больше позитивных эмоций! Кущетерова Айшат.
Если радость придет, радость прими
И не гордись, будь достоин ее. Если горе придет, губы сожми И не страшись, будь достоин его. К. Кулиев |
|
|
|
|
|
Гогуйланы Нюзюрню жашы Алибек 1993–чю жылда, январь айны 15–де туугъанды. Орта билимни Хурзук элде алгъанды. Бусагъатда Алибекге 22 жыл болады, ол туугъан Хурзук элинде жашайды. Алибекни чыгъармачылыкъ жолу Абу аль Атахияны, Румини, Саадини, Маарини чыгъармалары бла танышханындан башланнганды. «Ала Поэзия тауну чынг тёппесидиле. Бизде, алача, Кязим–хаджи джазгъанды»—, дейди Алибек.
Гогуй улу кёп болмай жазып башлагъанды назмула, аны жетишимлерине окъуучуларыбыз да багъа берсинле. ***** Къоюлдула, деуле кибик, тауларынг, Теблейдиле, аямайын, джауларынг, Иги хали унутулду, къоюлду, Ехтем халкъым, къул болду, да джоюлду. Осал хали салыннганды тюз терге, Махтау, сый да берилгенди хаулеге, Амантишле толтуралла сахнаны, Къарча патчах не айтыред кере туруб бу халны? Учуз сомгъа сатадыла тауланы, Джюрютелле къумгъанларын джауланы, Къоймайдыла тинибизни хазнасын, Джокъ этелле миллетими тазасын. Къара кече къучакъларын джайгъанды, Кюн а тау артына ташайгъанды. Тангны атыб энди биз керюрбюзмю? Огъесе аджалыбыз? Къара кече елюрбюзмю? ***** Къара темир булутла Джабхандыла езенни, Иги, ашхы умутла Къойгъандыла бизлени. Заман бургъан букъула Басхандыла эслени, Бушуу сюрген джауумла Джууадыла джерими. Адам къалмай, къурурла Тау джуртуму эллери, Тылпыу кюсеб, джарсырла Топракъ башлы юйлери. ***** Кекден тюшген тамчыча, Джашау дженгил кетеди, Тамчы суугъа синнгенча, Барыб джерге киреди. Къобуб баргъан Къобанча, Джашау деген алайды, Аны тенгиз сакълагъанча, Джанны къабыр сакълайды. Джерни башын бассанг а, Тюбюн басмай болмайса, Къачыб, бугъуб кюрешсенг да, Аджал джетмей, къалмайса. Бу дунияда къонакъбыз, Анга кере джашайыкъ, Тар къабыргъа барлыкъбыз, Анга кере атлайыкъ. ***** Джел урду да Орусдан, Акъылланы терсейтди, Кери этиб Къурандан, Карачайны тюб этди. Эм биринчи ойдула Къарча салгъан къыралны, Андан сора сойдула Баш келтюрген инсанны. Аманланы баш этдиле, Игилеге «кет» дедиле. Кетмегенле болдула, Къазаутха чыкъдыла. Умар болду алларында Хасаукада уруш этген, Ислам болду ахырында Нызылыда шейит елген. Миллет тели болгъанды — Къарадан акъны айырмайды, Тарихин кери ургъанды, Кертилени сагъынмайды. Къатылалла динибизге Ишлетебиз деб кесибизге, Тилибиз бла кюрешелле, Керек тюлдю деб сизге. Энди бюгюн къалды небиз? Тилибизми, Джуртубузму? Сагъыш этсек кимбиз биз — Къарачаймы, орусму? Джарты орус болгъанбыз, Тилибизни унутуб, Джуртубузну къойгъанбыз, Тау эллени къурутуб. Намысха да сырт бургъанбыз, Хаулеликге баш атханбыз, Уялмайбыз бир джукъдан да, Артха турмай зорлукъдан да. Табыннганыбыз — байлыкъ, ачха, Ашда да чырт айырмайбыз, Ассы болдукъ Аллахха, Ахыратха къайгъырмайбыз. Бу джолла миллетими Къайры элтиб тохтарла? Энди ахыр тизгинлени Туудукъларым джазарла. ***** Бола туруб джигитликни уясы, Джашнай эдинг, Адамлыкъны къаласы, Энди бюгюн барысы да оюлду, Джигитлик да, адамлыкъ да къоюлду. Къызларынгы намысына сукълана, Айтаелле хапарланы тышында, Энди бюгюн барысын да джойдула, Хаулеликге къурманланы сойдула. ***** Джангур джауады, себелейди, Суу тамчыла тюедиле топуракъны, Джан а талпыб кюн тиерин излейди, Джылыу бла толтурургъа къучакъны. Джан излейди тау мийикге чыгъаргъа, Джан излейди тауда къушлай учаргъа, Джан излейди, шынкъарт болуб, джанаргъа, Къарангыны бугъоуларын чачаргъа. Кекге чыгъыб, чучхур болуб, агъаргъа, Джерге сингиб, анда шошлукъ табаргъа, Булут болуб, джерни юсюн джабаргъа, Джангур болуб, джер юсюне джауаргъа. Гокка болуб, джаз башында, чагъаргъа, Чалкъы болуб, алсынланы чалыргъа, Толкъун болуб, джагъаланы сыларгъа, Шыбла болуб, къачхы кече джашнаргъа. Аяз болуб, чегетлени тараргъа, Тамчы болуб, тенгизледе батаргъа, Ачхыч болуб мыйыланы ачаргъа, Акъылланы ичлерине салыргъа. Заман болуб, насыбны къайтарыргъа, Чыракъ болуб, джюрекледе джанаргъа, Къая болуб мурдарланы джолуна, Джер башында къазауатны тыяргъа. Джан керекди таза хауа солургъа, Аманлыкъны къабыргъагъа урургъа, Ислам динни сокъмакъларын барыргъа — Джан керекди Аллах ючюн джашаргъа.
Изменено: - 10.01.2016 20:19:50
|
|
|
|
|
|
Рахайланы Мурадинни къызы Амина
13 июньда 2007 жылда Бызынгы элде туугъанды. Нальчик шахарда 14 номерли школда 2 классда окъуйду. $$$$ Ариу гинжим барды, Мен аны сюеме. Айтханымы этмесе, Мюйюшге сюейме. $$$$ Бизге уллу анам келгенди. Манга саугъа келтиргенди. Уллу анам хычин этеди, Мени ашарыгъым келеди. $$$$ Къарындашым гитчечикди Аты да Амирчикди. Айтмагъыз хомух деп. Ол хомухчукъ тюйюлдю. $$$$ Мен Къара Суугъа баргъанма, Мен анда чанада учханма. Барды къышда зауукълукъ, Къоркъутса да сууукълукъ.
"Къадарны этегинде...","Сени ючюн"...(с)
|
|
|
|
|
|
Ай, джылым ётгюб кетген кёреме ансы къошулуб, ёч алыб, Къара чачлыдан дертими да аллыкъ эдим)))
 бу джашны къайдам табыб салгъансыз назмусун)) мен таныгъан Алибек болурму эке  )))
Бу эришиуню ВК баш дегенчагъа ссылка этерге боллукъмуду?)) |
|||
|
|
|
|
Тылмач,
Оооо сен къошул ансы, ол отуз бешни отуз алты этген къыйын болмаз😊
"Къадарны этегинде...","Сени ючюн"...(с)
|
|
|
|
|
сизде да хар джерде кибик улхула ишлеймидиле))) Ма алай дженгил огъуна мени чийими ачдынг да къойдунг)) Бу назму чотдан чыртда англамайма, кюрешген да этмегенме, кюреширим да келмегенди))) Энди джаш сабийлени хакъларына да тиелмез эдим, тюзю)) Эришиуге къошулгъанлагъа джетишимле тилейме! Къошулугъуз, артына турмагъыз! Къуру да алгъа! Къурагъанлагъа да, малкъарлыла айтханлай, энчи уллу ыспас! (бир къауум сорууларым джууабсыз къалсала да, энтда кёрюб джууаб берлик болурсуз деб, ышанама) |
|||
|
|
|
Ас–саляму алейкум. Гогуй улуну назмулары бла ссылканы юсюнден айта эсегиз: Алибекни разылыгъы бла салгъанма былайда назмуларын —къоркъутмагъанма, хыйла этмегенме.) Жыл саны бла туугъан эли келише эселе, ол сиз таныгъан адам болур, эшта. Ссылка этерге, игит да, болады. Сау болугъуз дегенден башха не айтырыкъбыз анга? Не къадар кёп адам билсе хапарны, ол къадар бир иги. Алания, Аланы, Молодая поэзия Алании, Акътамакъ, Эльбрусоид, Жазыучу халкъына аманатды деген къауумлада барды бери ссылка. Акътамакъ темада жазгъан эдим бу затланы.
Изменено: - 11.01.2016 23:35:28
|
|||
|
|
|
Алибекден эсе, экинчи соруууму джууабын бегирек излей эдим да, джууабын алдым. Сау болугъуз! |
|||
|
|
|
Айшат знаю, а Амина и Лаура есть на форуме? Если есть, можно ники выдать?)) Къызла, молодцы! Алах болушсун бу иги башламыгъызда!)) Я заглавный пост неправильно поняла: я поняла так, что те люди, которые раньше проводили конкурс имени Исмаила Семенова и Кязима Мечиева, решили в этом году его не проводить, и, вот, его (конкурс имени Мечиева и Семенова) проводите вы, поэтому спрашивала, кто принимал решение. Чтобы не понималось как про один и тот же конкурс, может, вам дать название своему конкурсу, конкурс молодых поэтов дегенча? Кецериксиз, не стала писать в теме "Акътамакъ", потому что я свой вопрос, вы свои ответы написали до того, как решили вопросы задавать в той теме. Другие свои предложения и вопросы напишу там), а здесь все лишнее, как прочитаете, удалить, как кто-то выше предложил).
Я самая классная на форуме))))))))))))))
|
|||
|
|
|
|
Я очень рад, что у нас есть замечательная творческая молодежь - способная сказать новое слово в нашей литературе. Само по себе это похвально. Но когда молодые таланты думают о начинающих и сами решили провести литературный конкурс - это уже говорит о зрелости молодого поколения. Это говорит о том, что завтрашний день у нашей литературы есть.
Что касается Премии им. Кязима Мечиева и Исмаила Семенова. Я думаю, она может и должна стать общенациональной, За нее могут бороться все литераторы - независимо от членства в Союзах, регалий, возраста. Как организовать это дело - пусть думает вся творческая интеллигенция карачаево-балкарского народа. |
|
|
|
|
|
Сэстренка,Биргелей!
Аллах айтып, бу эришиуге назмуларын ийген жаш адамла бизни ана адабиятыбызгъа келип, аны айнырына уллу къошумчулукъ этерле деп, ышанама!
"Къадарны этегинде...","Сени ючюн"...(с)
|
|
|
|
|
|
Талай джерде эшитгенме окъугъанма " Я карачаевец, но языка не знаю" деген сезлени. Бек сеир, бек ачыб тынглайама алай айтханлагъа,
алай а, ма былла назмучыланы керюб, окъуб, алай аман тюлдю чотубуз деб ышанама. Аллах айтса, ана тилге бир "мода" кириб, алай бла ызына тил къайтыр эсе уа ))) |
||||
|
|
|
|||
Читают тему (гостей: 1)