Эльбрусоид :: Форум

Оюмсуз атлагъан, аджалсыз ёлюр.
Къыз чыгъаргъан – къызыл къымжа.
Тюзлюк тас болмайды.
Джарлыны тону джаз битер.
Эшекни не къадар тюйсенг да, ат болмаз.
Юйюнг бла джау болгъандан эсе, элинг бла джау бол.
Кирсизни – саны таза, халалны – къаны таза.
Азыкълы ат арымаз, къатыны аман джарымаз.
Аман къатын алгъан, арыр, иги къатын алгъан джарыр.
Босагъа таш юйге кирмей эди, тыбыр таш эшикге чыкъмай эди.
Уясында не кёрсе, учханында аны этер.
Акъыллы эркиши атын махтар, акъылсыз эркиши къатынын махтар.
Джаралыны джастыгъында сау ёлюр.
Керти сёзге тёре джокъ.
Онгсузну – джакъла, тенгликни – сакъла.
Игини сыйлагъан адетди.
Тас болгъан бычакъны сабы – алтын.
Эл тойса, тоймагъан, эл къойса, къоймагъан.
Мураты болгъанны джюрек тебюую башхады.
Джаханимни кёрмей, джандетге кёл салмазса.
Байны къызы баймакъ болса да, юйде къалмаз!
Хаухну атма, ёнгкючню сатма.
Элни кючю – эмеген.
Суу да къайтады чыкъгъан джерине.
Шапа кёб болса, аш татымсыз болур.
Бек ашыкъгъан меннге джетсин, дегенди аракъы.
Хоншуну тауугъу къаз кёрюнюр, келини къыз кёрюнюр.
Уллу суу бла уллу ауруудан башынгы сакъла.
Къонакъ аз олтурур, кёб сынар.
Ишлерге уял да, ашаргъа табма.
Джолда аягъынга сакъ бол, ушакъда тилинге сакъ бол.
Къонакъ аман болса, къонакъбай джунчур
Ана – юйню кюн джарыгъы.
Иги сёз – джаннга азыкъ, аман сёз башха – къазыкъ.
Кёзюнде тереги болгъан, чёбю болгъаннга кюле эди.
Ачлыкъ отха секиртир.
Тойгъан антын унутур.
Ётюрюк хапар аякъ тюбю бла джюрюйдю.
Ишни аллы бла къууанма да, арты бла къууан.
Джырчы ёлсе, джыры къалыр.
Аш хазыр болса, иш харам болур.
Хар адамгъа кеси миннген тау кибик.
Баланы адам этген анады.
Телиге от эт десенг, юйюнге от салыр.
Ауурну тюбю бла, дженгилни башы бла джюрюген.
Къолу уллу – асыу, аягъы уллу – джарсыу.
Билимсиз иш бармаз.
Халкъгъа джарагъан, джарлы къалмаз.
Аш кетер да бет къалыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.

Логин:
Пароль:
	Запомнить меня на этом компьютере

Забыли свой пароль?
Регистрация