- Дуния аламаты сен эсенг да, игиме деб айтма.
- Башы ишлегенни, ауузу да ишлер.
- Аман къатын сабий табса, бий болур…
- Бюгюн дуния кибик, тамбла ахыратды.
- Хазыр ашха – терен къашыкъ.
- Мураты болгъанны джюрек тебюую башхады.
- Элиб деген, элге болушур.
- Мени джылытмагъан кюн, меннге тиймесин!
- Акъыллы – эл иеси, тели – эл баласы.
- Намыс сатылыб алынмайды.
- Гыдай эчки суугъа къараб, мюйюзле кёрмесе, джашма алкъын, дегенди.
- Кесинг сынамагъан затны, адамгъа буюрма.
- Ата – баланы уясы.
- Джюз элде джюз ёгюзюм болгъандан эсе, джюз джууугъум болсун.
- Аш кетер да бет къалыр.
- Биреуню тёрюнден, кесинги эшик артынг игиди.
- Эл бла кёргенинг эрелей.
- Мадар болса, къадар болур.
- Къонакъ кёб келюучю юйню, къазаны отдан тюшмез.
- Эрни эр этерик да, къара джер этерик да, тиширыуду.
- Ашатыргъа иш – ашхы, ишлетирге аш – ашхы.
- Ауузу бла къуш тута айланады.
- Бастасын ашагъан, хантусун да ичер.
- Билим ат болуб да чабар, къуш болуб да учар.
- Окъуусуз билим – джокъ, билимсиз кюнюнг – джокъ.
- Билгенни къолу къарны джандырыр.
- Сагъышы джокъ – джукъучу, акъылы джокъ – къаугъачы.
- Къартны бурнун сюрт да, оноугъа тут.
- Кёбню кёрген – кёб билир.
- Джыйырма къойну юч джыйырма эбзе кюте эди.
- Джаным-тиним – окъуу, билим.
- Джашда акъыл джокъ, къартда къарыу джокъ.
- Мал тутхан – май джалар.
- Эркиши – от, тиширыу – суу.
- Байлыкъ тауусулур, билим тауусулмаз.
- Ач къарным, тынч къулагъым.
- Аджал соруб келмез, келсе, къайтыб кетмез.
- Тилде сюек болмаса да, сюек сындырыр.
- Акъылсызны джууукъгъа алма, акъыллыны кенгнге салма.
- Кёбге таш атма.
- Малны кют, джерни тюрт.
- Сакъалы текени да бар, мыйыгъы киштикни да бар.
- Къыз тиширыу кеси юйюнде да къонакъды.
- Мал кёб болса, джууукъ кёб болур.
- Билим – акъылны чырагъы.
- Орну джокъну – сыйы джокъ.
- Адеби болмагъан къыз – тузсуз хант.
- Чомарт бергенин айтмаз.
- Хантына кёре тузу, юйюне кёре къызы.
- Къызын тута билмеген, тул этер, джашын тута билмеген, къул этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72