- Ёлген эшек бёрюден къоркъмайды.
- Сыфатында болмагъаны, суратында болмаз.
- Таукелге нюр джауар.
- Арбаз къынгырды да, ийнек сауалмайма.
- Аманны тукъумуна къарама, игини тукъумун сорма.
- Джетген къыз джерли эшекни танымаз.
- Терек ауса, отунчу – кёб.
- Адам боллукъ, атламындан белгили болур.
- Кёб джат да, бек чаб.
- Чёбню кёлтюрсенг, тюбюнден сёз чыгъар.
- Рысхы – насыбха къор.
- Эр сокъур болсун, къатын тилсиз болсун.
- Болджал ишни бёрю ашар.
- Акъыл къартда, джашда тюйюлдю – башдады.
- Эринчекни аурууу – кёб.
- Ашхы – джыяр, аман – джояр.
- Билмезни кёзю кёрмез, этмезни къулагъы эшитмез.
- Ач уят къоймаз.
- Тенгни тенглиги джашай барсанг билинир.
- Къарыусузгъа кюлме, онгсузгъа тийме.
- Чыкълы кюнде чыкъмагъан, чыкъса къуру кирмеген.
- Адеб этмеген, адеб кёрмез.
- Акъыллы – эл иеси, тели – эл баласы.
- Чыбыкълыкъда бюгюлмеген, къазыкълыкъда бюгюлмей эди.
- Тилчиден кери бол.
- Айыбны суу бла джууалмазса.
- Чомартха Тейри да борчлуду.
- Мадар болса, къадар болур.
- Аш иеси бла татлыды.
- Кёбге таш атма.
- Аш кетер да бет къалыр.
- Къозулугъунда тоймагъан, къойлугъунда тоймаз.
- Тюзню ётмеги тюзде къалса да, тас болмаз.
- Урама да – ёледи, сатама да – келеди.
- Мухарны эси – ашарыкъда.
- Шайтан алдады, тюзлюк къаргъады.
- Джылар джаш, атасыны сакъалы бла ойнар.
- Эринчекге кюн узун.
- Туз, гырджын аша, тюзлюк бла джаша.
- Къонагъы джокъну – шоху джокъ.
- Башланнган иш битер, къымылдагъан тиш тюшер.
- Къулакъдан эсе, кёзге ышан.
- Кёзден кетген, кёлден да кетеди.
- Сёз сёзню айтдырыр.
- Джыйырма къойну юч джыйырма эбзе кюте эди.
- Ханы къызы буюгъа-буюгъа киштик болду.
- Сууда джау джокъ, кёб сёзде магъана джокъ.
- Юй кюйдю да, кюйюз чыкъды, ортасындан тюйюш чыкъды.
- Джиби бир къат джетмей эди да, эки къат тарта эди.
- Бети къызарыучу адамны, джюреги харам болмаз.
Профиль
|
|
|||