- Ишге юренсин къоллары, халкъ бла болсун джоллары.
- Аман къатын сабий табса, бий болур…
- Аманны эки битли тону болур, бирин сеннге кийдирир, бирин кеси киер.
- Бек анасы джыламаз.
- Къызбайны юйюне дери сюрсенг, батыр болур.
- Кийим тукъум сордурур.
- Ётюрюкню башын керти кесер.
- Телиге от эт десенг, юйюнге от салыр.
- Адамны сыфатына къарама, сёзюне къара.
- Юйюнг бла джау болгъандан эсе, элинг бла джау бол.
- Кёзю сокъурдан – къоркъма, кёлю сокъурдан – къоркъ.
- Къумурсхала джыйылсала, пилни да джыгъадыла.
- Игилик игилик бла сингдирилиучю затды.
- Мал ёлсе, сюек къалыр, адам ёлсе, иши къалыр.
- Акъыл къартда, джашда тюйюлдю – башдады.
- Къалгъан ишге къар джауар.
- «Ёгюз, джаргъа джууукъ барма, меннге джюк боллукъса», - дегенди эшек.
- Терслик кетер, тюзлюк джетер.
- Ата – баланы уясы.
- Адебни адебсизден юрен.
- Ургъан суудан башынгы сакъла.
- Аш хазыр болса, иш харам болур.
- Тюз сёз баргъан сууну тыяр.
- Айран ичген – къутулду, джугъусун джалагъан – тутулду.
- Бозанг болмагъан джерге, къалагъынгы сукъма.
- Адеб этмеген, адеб кёрмез.
- Хантына кёре тузу, юйюне кёре къызы.
- Иши джокъну, сыйы джокъ.
- Термилгенинги табмазса, кюлгенинге тюберсе.
- Къатыны харакетли болса, эри къымсыз болур.
- Къонакъ болсанг, ийнакъ бол.
- Ана – юйню кюн джарыгъы.
- Къонагъынгы артмагъын алма да, алгъышын ал.
- Сабий кёргенин унутмаз.
- Ётюрюкден тюбю джокъ, кёлтюрюрге джиби джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Акъыллы эркиши атын махтар, акъылсыз эркиши къатынын махтар.
- Къар – келтирди, суу – элтди.
- Джарлыны эшигин махтагъан джабар.
- Адам туугъан джеринде, ит тойгъан джеринде.
- Нарт сёз – тилни бети.
- Аз айтсам, кёб ангылагъыз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёлген аслан – сау чычхан.
- Аджашхан тёгерек айланыр.
- Эл бла кёргенинг эрелей.
- Къозулугъунда тоймагъан, къойлугъунда тоймаз.
- Къарын къуру болса, джюрек уру болур.
- Таукел тауну аудурур.
- Джетген къыз джерли эшекни танымаз.
Профиль
|
|
|||