- Ариу сёз – къылычдан джити.
- Билмезни кёзю кёрмез, этмезни къулагъы эшитмез.
- Тойчу джашха къарама, къойчу джашха къара.
- Ариуну – ауруу кёб.
- Уллу къазанда бишген эт, чий къалмаз.
- Атлыны кёрсе, джаяуну буту талыр.
- Джерни букъусу кёкге къонмаз.
- Арба аугъандан сора, джол кёргюзтюучю кёб болур.
- Къан бла кирген, джан бла чыгъар.
- Тилде сюек болмаса да, сюек сындырыр.
- Босагъагъа джууукъ орун болса, ашыгъыб тёрге озма.
- Ач къарынны, токъ билмез
- Таш ата билмеген, башына урур.
- Ач, тоймам, дейди, тойгъан, ач болмам, дейди.
- Танг атмайма десе да, кюн къоярыкъ тюйюлдю.
- Тёрени джагъы джокъ.
- Гугук кесини атын айтыб къычыргъанча, мен, мен деб нек тураса?
- Урунуу – насыбны анасы.
- Акъыллы эркиши атын махтар, акъылсыз эркиши къатынын махтар.
- Эрни эр этерик да, къара джер этерик да, тиширыуду.
- Сёлеш деб шай берген, тохта деб, сом берген.
- Акъыллы айтыр эди, акъылсыз къоймайды.
- Башда акъыл болмаса, эки аякъгъа кюч джетер.
- Ачлыкъ отха секиртир.
- Эрине къаргъыш этген къатын, эрнин къабар.
- Эри аманны, къатыны – аман.
- Билмейме деген – бир сёз
- Биреуню эскиси биреуге джангы болмайды.
- Ёзденликни джайгъан – джокълукъ.
- Ауурну тюбю бла, дженгилни башы бла джюрюген.
- Чакъырылмагъан къонакъ – орунсуз.
- Къарыусузгъа кюлме, онгсузгъа тийме.
- Юйюнг бла джау болгъандан эсе, элинг бла джау бол.
- Джиби бир къат джетмей эди да, эки къат тарта эди.
- Джангыз торгъай джырламаз.
- Къыз тиширыу кеси юйюнде да къонакъды.
- Келлик заман – къартлыкъ келтирир, кетген заман – джашлыкъ ёлтюрюр.
- Джюрек кёзден алгъа кёрюр.
- Джырчы джырчыгъа – къарнаш.
- Аман адам элни бир-бирине джау этер.
- Къарнынг тойгъунчу аша да, белинг талгъынчы ишле.
- Ашда уялгъан – мухар, ишде уялгъан – хомух.
- Кийимни бир кюнню аясанг, минг кюннге джарар.
- Джумушакъ терекни къурт ашар.
- Эринчекге кюн узун.
- Тил – кесген бычакъ, сёз – атылгъан окъ.
- Ёпкелегенни ашы татлы болады.
- Къайгъыны сюйген, къайгъы табар.
- Кютгени беш эчки, сызгъыргъаны уа, джерни джарады.
- Ётюрюкчюню шагъаты – къатында.
Ошибка!
Тема не найдена.