- Сибиртки да сыйлы болду, кюрек да кюнлю болду.
- Чакъырылгъанны аты, чакъырылмагъанны багъасы болур.
- Къонакъ кёб келюучю юйню, къазаны отдан тюшмез.
- Этек чакъмакълары баш джаргъан, сёлешген сёзлери таш джаргъан.
- Зар адамны насыбы болмаз.
- Бир абыннган – минг сюрюнюр.
- Ашхы тенг джолгъа салыр, аман тенг джолдан тайдырыр.
- Тюзню ётмеги тюзде къалса да, тас болмаз.
- Ёксюзню къалачы уллу кёрюнюр.
- Къыз чыгъаргъан – къызыл къымжа.
- Орундукъ тюбюнде атылсам да, орта джиликме, де да айлан.
- Кёбге таш атма.
- Алтыда кюлмеген, алтмышда кюлмез.
- Халкъгъа джарагъан, джарлы къалмаз.
- Эшекни не къадар тюйсенг да, ат болмаз.
- Татлы тилде – сёз ариу, чемер къолда – иш ариу.
- Иги сёз – джаннга азыкъ, аман сёз башха – къазыкъ.
- Баргъанынга кёре болур келгенинг.
- Иги джашны ышаны – аз сёлешиб, кёб тынгылар.
- Джюрек кёзден алгъа кёрюр.
- Ашхы сёз таш тешер.
- Къарыусузгъа кюлме, онгсузгъа тийме.
- «Ёгюз, джаргъа джууукъ барма, меннге джюк боллукъса», - дегенди эшек.
- Чабакъсыз кёлге къармакъ салгъанлыкъгъа, чабакъ тутмазса.
- Кирсизни – саны таза, халалны – къаны таза.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бети бедерден, намыс сакълама.
- Таукел тауну аудурур.
- Иги болса, тамадама – махтау, аман болса, меннге – айыб.
- Тешигини къатында, чычхан да батыр болур.
- Джаш болсун, къыз болсун, акъылы, саны тюз болсун.
- Шекер бла туз – бир болмаз, ушамагъан – юй болмаз.
- Чыкълы кюнде чыкъмагъан, чыкъса къуру кирмеген.
- Урама да – ёледи, сатама да – келеди.
- Адамны джюреги нени кёрюрге сюйсе, кёзю да аны кёрюрге ёч болады.
- Ач, тоймам, дейди, тойгъан, ач болмам, дейди.
- Иги сеники эсе да, сюйген кесимикин этеме.
- Джангыз торгъай джырламаз.
- Эртде тургъан бла эртде юйленнген сокъуранмаз.
- Ёнгкюч къууана барыр, джылай келир.
- Чомарт джарлы болмаз.
- Уллу къазанда бишген эт, чий къалмаз.
- Джангыз терек къынгыр ёсер.
- Акъыллы – эл иеси, тели – эл баласы.
- Къазанны башы ачыкъ болса, итге уят керекди.
- Ишлемеген – тишлемез.
- Къарт айтханны этмеген, къартаймаз.
- Терек ауса, отунчу – кёб.
- Итли къонакъ джарашмаз.
- Атадан ёксюз – бир ёксюз, анадан ёксюз – эки ёксюз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72