- Джаным-тиним – окъуу, билим.
- Баргъанынга кёре болур келгенинг.
- Ышармагъан – кюлмез, кюлмеген – къууанчны билмез.
- Орундукъ тюбюнде атылсам да, орта джиликме, де да айлан.
- Акъыл неден да кючлюдю.
- Гитче джилтин уллу элни джандырыр.
- Тойгъан джерге джети къайт.
- Эли джокъну – кёлю джокъ.
- Бозанг болмагъан джерге, къалагъынгы сукъма.
- Соргъан айыб тюлдю, билмеген айыбды.
- Билим ат болуб да чабар, къуш болуб да учар.
- Джаз бир кюнню джатсанг, къыш талай кюнню абынырса.
- Къобан да къуру да къобханлай турмайды, адам да къуру да патчахлай турмайды.
- Ёлюр джаннга, ёкюл джокъ.
- Таш ата билмеген, башына урур.
- Байны къызы баймакъ болса да, юйде къалмаз!
- Бети бедерден, намыс сакълама.
- Чабакъсыз кёлге къармакъ салгъанлыкъгъа, чабакъ тутмазса.
- Кесинге джетмегенни, кёб сёлешме.
- Тыш элде солтан болгъандан эсе, кесинги элде олтан болгъан игиди!
- Тёрдеги кюлсе, эшикдеги ышарыр.
- Аууз сакълагъан – джан сакълар.
- Кёлю джокъну – джолу джокъ.
- Минг тенг да азды, бир джау да кёбдю.
- Биреуню тёрюнден, кесинги эшик артынг игиди.
- Акъыл бла адеб эгизледиле.
- Алтыда кюлмеген, алтмышда кюлмез.
- Тёзген – тёш ашар!
- Ашыкъгъанны этеги бутуна чырмалыр.
- Акъыллы эркиши атын махтар, акъылсыз эркиши къатынын махтар.
- Аман къатын алгъан, арыр, иги къатын алгъан джарыр.
- Суу кетер, таш къалыр.
- Къонагъы джокъну – шоху джокъ.
- Кюл тюбюндеги от кёрюнмейди.
- Айырылгъанланы айю ашар, бёлюннгенлени бёрю ашар.
- Тёрени джагъы джокъ.
- Зар адам ашынгы ашар, кесинги сатар.
- Танг атмайма десе да, кюн къоярыкъ тюйюлдю.
- Намыс сатылыб алынмайды.
- Ариу – кёзге, акъыл – джюрекге.
- Джылыгъа джылан илешир.
- Къайтырыкъ эшигинги, къаты уруб чыкъма.
- Садакъачыны джаны – къапчыгъында.
- Рысхы – сют юсюнде кёмюк кибикди.
- Ариу сёз аурууунгу алыр.
- Къарт бла баш аша, джаш бла аякъ аша.
- Арпа, будай – ащды, алтын, кюмюш а – ташды.
- Эки къатын алгъан – эки ташны ортасына башын салгъан.
- Кесине гебен этелмеген, биреуге черен эте эди.
- Аш берме да, къаш бер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72