- Мухарны эси – ашарыкъда.
- Айтхан – тынч, этген – къыйын.
- Бичгенде ашыкъма, тикгенде ашыкъ.
- Ойнай-ойнай кёз чыгъар.
- Тюзлюк тас болмайды.
- Юй кюйдю да, кюйюз чыкъды, ортасындан тюйюш чыкъды.
- Хансыз джомакъ болмаз.
- Ёлмесенг да, къарт дамы болмазса?
- Ашхы атаны – джашы ашхы, ашхы ананы – къызы ашхы.
- Тили узунну, намысы – къысха.
- Дженгил джетерикме деб, узун джолну къоюб, къысхасын барма.
- Этни бети бла шорпасы.
- Нёгерсизни джолу узун.
- Кёзюнде тереги болгъан, чёбю болгъаннга кюле эди.
- Эл ауузу – элия.
- Аш хазыр болса, иш харам болур.
- Таукел тауну аудурур.
- Биреуге аманлыкъны тилеме да, кесинге ашхылыкъны тиле.
- Адеб этмеген, адеб кёрмез.
- Джаш къарыу бла кючлю, къарт акъыл бла кючлю.
- Кёб къычыргъандан – къоркъма, тынч олтургъандан – къоркъ.
- Ач къарынны, токъ билмез
- Джаным-тиним – окъуу, билим.
- Тин – байлыгъынг, терен саулугъунг.
- Сабыр джетер муратха, сабырсыз къалыр уятха.
- Ач, тоймам, дейди, тойгъан, ач болмам, дейди.
- Тойгъан джерден туугъан джер игиди.
- Телини эшигин, махтау джабар.
- Эри аманны, къатыны – аман.
- Эте билген, этген этеди, эте билмеген, юретген этеди!
- Къар – келтирди, суу – элтди.
- Ашда – бёрю, ишде – ёлю.
- Къралынгы – душмандан, башынгы от бла суудан сакъла.
- Джауумдан сора, кюн кюйдюрюр, ётюрюкден сора, айыб кюйдюрюр.
- Мураты болгъанны джюрек тебюую башхады.
- Джырчы джырчыгъа – къарнаш.
- Нафысынгы айтханын этме, намысынгы айтханын эт.
- Бермеген къол, алмайды.
- Тиширыусуз юй – отсуз от джагъа.
- Башы ишлегенни, ауузу да ишлер.
- Кеси юйюмде мен да ханма.
- Юреннген ауруу къалмаз.
- Ашлыкъны арба юйге келтирир, чана базаргъа элтир.
- Бети бедерден, намыс сакълама.
- Байдан умут эте, джарлыдан ёгюз багъасы къорады.
- Ёксюзню тилеги къабыл болур.
- Ургъан суудан башынгы сакъла.
- Джуртун къоругъан озар.
- Ашына кёре табагъы, балына кёре къалагъы.
- Акъдан къара болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72